Omnibus Christi fidelibus tam presentibus quam futuris presens scriptum inspecturis Capitulum Ecclesie Agriensis salutem in omnium saluatore. Ad vniuersorum noticiam tenore presenciam volumus peruenire, quod discretus vir Magister Mychael Prepositus Ecclesie Mysfyensis, dilectus Concanonicus noster ad nostram accedens presenciam proposuit viua voce: quod totam porcionem suam, quam habet in terra Sumus vocata iure hereditario ipsum contingentem cum vniuersis vtilitatibus suis, et specialiter cum sessione sua in eadem porcione sita; nec non duas possessiones suas similiter hereditarias Berethey et Therebey nominatas in Comitatu Noui Castri existentes cum vniuersis vtilitatibus earundem ob dileccionem Egidij filij Comitis Petri filij Georgijs fratris patris sui, quem de sacro fonte baptismatis eleuauit, dedisset donasset et contulisset eidem Egidio et suis heredibus iure perpetuo et irreuocabiliter possidendas et habendas; ea condicione interposita, quod quamdiu ipse viueret, vniuersas vtilitates possessionum Berethey et Therebey predictarum pro usu vite sue plene et integre perciperet et easdem pacifice possideret; ipso vero in patram (igy ) Domino vocante, prefate due passessiones in ius et proprietatem eiusdem Egidij tanquam hereditane deuoluerentur pacifice possidende et habende. In cuius rey testimonium ad instanciam eiusdem Magistri Mychaelis presentes contulimus sigilli noitri munimine roboratas. Presentibus tamen Magistro Johanne Lectore, Mathya Cantore, Mykow Custode, Martiro de Patha, Symone de Zemlyn, Bernaldo de Sumbun, Petro de Kemey, Egidio de Wng, Briccio de Zobolch, Magistro Johanne de Heues Archidiaconis et alijs multis, anno Domini MşCCş nonagesimo septimo. Regnante Andrea illustri Rege Hungarie, Lodomerio Strigoniensi, Johanne Colocensi Archicpiscopis; Domino nostro venerabili patre Andrea Dei gracia Episcopo Agriensi existentibus.

A B C

(Eredetie bőrhártyán, zöld-vörös-sárga selyemzsinóron függő pecsét alatt; a budai kir. kamarai levéltárban.)