Andreas Dei gracia Hungarie, Dalmacie, Croacie, Rame, Seruie, Gallicie, Lodomerie, Cumanie Bulgarieque Rex vniuersis Christi fidelibus presentibus pariter et futuris presens scriptum inspecturis salutem in salutis largitore. Ad vniuersorum noticiam harum serie volumus peruenire: quod Magister Jacobus filius Ponych dilectus et fidelis noster ad nostram accedens presenciam, exhibuit nobis priuilegium domini Regis Ladizlai felicis recordacionis, confirmatorium priuilegij domine Elysabeth Regine matris eiusdem super collacione possessionis Chehy uocate confectum; exhibuit eciam priuilegium eiusdem domine Regine super donacione duarum villarum Dubza nuncupatarum datum et concessum, humiliter a nobis petendo, vt ipsa priuilegia acceptare et ratificare, nostroque dignaremur priuilegio confirmare. Cuius quidem priuilegij eiusdem domini Ladizlai Regis tenor talis est:

Ladizlaus D. gr. Hungarie stb. Rex stb. (következik IV. László királynak 1280-ki privilegiuma, mint fentebb 247. szám alatt.)

Tenor eciam priuilegij eiusdem domine Regine super collacione predictarum villarum Dobza confecti talis est Elysabeth D. gr. Regina Hungarie stb. (következik Erzsébet anyakirálynénak 1277-ki adománylevele, mint Okmánytárunk IX. vagyis a második folyam IV. kötetében 179. lap.)

Nos itaque peticionibus prefati Magistri Jacobi fauorabiliter inclinati prenotata priuilegia super collacionibus villarum Chehy et Dubza uocatarum habita et obtenta, non abrasa, non cancellata, nec in aliqua sui parte viciata, rata habentes et accepta, de uerbo ad uerbum presentibus inseri faciendo, auctoritate et munimine presencium et duplicis sigilli nostri patrocinio duximus confirmanda. Datum per manus discreti viri Magistri Theodori Prepositi Albensis aule nostre ViceCancellarij dilecti et fidelis nostri anno Domini MşCCş nonagesimo tercio, Regni autem nostri anno tercio.

(Eredetie bőrhártyán, a függő pecsét elveszett; a budai kir. kamarai levéltárban.)