Conuentus Monasterij Waradyensis vniuersis Christi fidelibus presentes litteras inspecturis salutem in Domino. Ad vniuersorum noticiam tenore presencium uolumus peruenire, quod Stephanus filius Benedicti nobilis de Loymer pro se et pro Petro ac Jula filijs Thome de eadem cognatis suis ab una parte, et Comes Stephanus filius Munkaach pro se et pro Vza fratre suo carnali ab altera coram nobis personaliter constituti; idem Stephanus filius Benedicti de consensu et voluntate predictorum cognatorum suorum, et omnium aliorum proximorum ac cognatorum suorum, nobilium videlicet de Loymer, sexaginta iugera terre suc in villa Loymer cum orto et loco horrey in terra Loymer ipsum Stephanum filium Benedicti contingencia, secundum tenorem priuilegij nostri super facto ipsorum sexaginta iugerum terre et fundi curie prius emanati uel confecti, prout in eodem priuilegio nostro nobis exhibito et perlecto plenius vidimus contineri; cum idem Stephanus filius Benedicti heredum solacio asseratse carere, prenominato Vza genero suo, cui quidem Vza ipse Stephanus filius Benedicti filiam suam in facie Sancte Ecclesie per formamve matrimonij dignoscitur tradidisse, et fratri eiusdem Vza Comiti Stephano prenominato racione cognacionis seu proximitatis, pro tribus marcis ab eisdem Comite Stephano et Vza receptis ex integro sibi, et per eos suis heredibus, heredumque suorum successoribus et posteris jure perpetuo et irreuocabiliter possidenda se vendidisse est confessus oraculo viue uocis, et vendidit coram nobis. Datum anno Domini millesimo CCş nonagesimo octauo mense Aprili. Bogamerio Decano eodemque Custode existente, ceterisque fratribus vna nobiscum Deo iugiter famulantibus ac deuote.

(Eredetie bőrhártyán, zöld-vörös selyemzsinóron függő pecsét alatt a főmélt. herczeg Eszterházy család levéltárában.)