Nos Capitulum Ecclesie Strigoniensis damus pro memoria, quod Nicolaus filius Comitis Petri filij Baas de Mykula ad nostram personaliter accedens presenciam sua nobis protestacione et querimonia puplice demonstrauit, quod Magister Matheus Palatinus filius - - - primum prenominatum Comitem Petrum patrem suum ad uendendum sibi Castrum eorum Vgrogh vocatum, simul cum possessionibus ad idem Castrum pertinentibus vniuersis in Comitatu de Trynchun existentibus, et nunc ipsum Nicolaum, vt precedens vendicio sui patris per ipsius confessionem snbsequentem maiori subnixa fundatur firmitate, minis et terroribus, que cadere possent in constantem; coegisset; et tam idem Nicolaus nunc ad presens, quam predictus Comes Petrus pater eius, primum huiusmodi minis et metu mortis per eundem Matheum Palatinum coacti premissas possessiones et Castrum vendidisse fuissent confessi et eciam confiteantur; licet alias nullo uodo fuissent vendituri. Vnde prenominatus Nicolaus, ne ipsius et patris sui prefati ius et iusticia sub silencio possit ocultari, super huiusmodi sua protestacione nostras litteras presentes a nobis petit sibi dari. Datum feria quarta proxima post quindenas Penthecostes anno Domini MşCCş nonagesimo septimo.

(Az esztergami káptalannak 1344. »in vigilia Beati Laurencij martiris« »Andreas de Mikula« kérésére kiadott átiratából; a budai kir. kamarai levéltárban.)