Nos Capitulum Quinqueecclesiense memorie commendamus per presentes, quod nobil(is uir Magister) Corrardus de genere Yeur personaliter in nostram presenciam accedendo per modum protestacionis nobis (proposuit): quod quandam terram suam hereditariam Kopach uocatam in Comitatu de Barana situatam uel existentem in eo loco, ubi fluius Draue cadit in Danubium, et in quo est ecclesia in honorem Sancti Sygismundy Regis, cum pisscina sua eciam Kopach uocata, et cum alijs piscinis existentibus in eadem terra, et cum ceteris omnibus utilitatibus suis, Magister Nicolaus filius Comitis Laurencij quondam Palatini a multis diebus et annis detineret indebite occupatam in preiudicium et grauamen et non modicum dampnum eiusdem Magistri Corrardy, prout eciam ipse Magister Carrardus hec premissa per homines suos nobis denuncians frequenter fuit protestatos. Datum in octauia Passce Domini anno eiusdem millesima CCş nonagesimo nono.

(Eredetie bőrhártyán, a pecsét elveszett; a mélt. báró Révay család levéltárában.)