Nos Conuentus Domus Hospitalis de Alba damus pro memoria, quod Comes Glyanus ciuis Albensis coram nobis personaliter contitutus quandam siluam suam in Lyulia existentem a Stephano filio Dedalus, precio, ut dixit, sibi comparatam, simul cum terra sex iugerum iuxta eandem siluam a parte orientali et meridionali adiacenti, et quatuordecim iugera terre contra intuitum domus sue, quam habet in Lyulia a parte meridionali adiacencia; item quatuor iugera terree iuxta pratum magnum, et alia quatuor iugera a Luka de Lyulia, ut dixit, comparata, infra vineam Dominici filij Kelemen iuxta uiam existencia; fenetum ad quatuor falcastra sufficiens a Petro filio Andree, et aliud fenetum Lukuch uocatum similiter ad quatuor falcastra a Comite Hench quondam ciue Albensi precio, sicut retulit, comparatum; ac sessionem suam cum domibus in eadem existentibus; nec non et quandam vineam suam Nogzeulew vocatam, confessus est Comiti Iuance de Vgal a festo Sancti Georgij nunc post data presencium progima venturum, vsque ad reuolucionem eiusdem festi pro quatuordecim marcis partim in denarijs, partim in condigua estimacione ab eodem receptis pignore obligasse pacto tali siue pena interposita: quod si in predicta reuolucione festi Sancti Georgij ipse Comes Glyanus redimere non curaret nel non posset modo prehabito; duplum ipsarum quatnordecim marcarum incurreret eo facto. Se nichilominus obligando, quod medio tempore, quamdiu redimere posset, ipsum Comitem Iwanka super premissis suis impignoracionibus ab omnibus impetitoribus espedire et tueri proprijs teneretur laboribus et expensis. Datum feria quinta proxima ante dominicam Letare anno Domini millesimo CCş nonagesimo nono.

(Eredetie bőrhártyán, a zárpecsétnek nyoma látszik még; a főmélt. herczeg Batthyáni család levéltárában.)