Nos Capitulum Ecclesie Beati Michaelis de Castro Ferreo notum facimus tenore presencium vniuersis, quod Martinus filius Chama de Makwa coram nobis personaliter constitutus dimidietatem possessionis sue Makwa nocate cum uno loco molendini a parte filiorum Comitis Petri, dedit, donauit et contulit Nicolao filio Jacobi de Kwchk cum filia sua domina Jelench, quam idem Nicolaus copulauit. Walentinus et Benedictus filij Petri de eadem Makwa pro se, et pro Petro fratre eorum comparendo, Ladizlaus filius Johannis pro se et pro Michaele fratre suo astantes commetanei consensum prebuerunt et assensum. Quod ut ratum sit, presens scriptum contulimus nostro sigillo communitum; domino Nicolao Preposito, Cosma Custode, Cantoria vacante, Thoma Decano Ecclesie nostre existentibus, anno Domini MşCCCş.

(A vasvári káptalannak 1328. »in octauis Pasce« »Dominicus filius Nicolai, et domina Jelynch consors eiusdem, filia Martini filij Chama« kérésére kiadott átiratából; a budai királyi kamarai levéltárban.)