Andreas Dei gracia Rex Vngarie fidelibus suis Capitulo Vaciensi salutem et graciam. Erdev, Petrus, St., Detricus, Briccius filij Itemeri; Barnabas filius Johannis, Paznanus, nobiles de Basd et Kerekgode nobis sunt confessi: quod Macho, Paulus filij Thobie, Valentinus cum fratribus suis, Chuta, Henricus filius Georgij, Pangracius cum fratribus suis, Petrus, Nicolaus filij Symonis, Laurencius filius Lack, et Ladislaus filius Petri, super domos eorum existentes in Erekgode manu uenissent armata, et homines destruxissent, ad valorem centum marcarum dampnum eis intulissent, et fratrem ipsorum Johannem nomine interfecissent; item quod Petrus magnus Paznanum predictum insidiando in via mortaliter uulnerasset clarn luce in foro Paztuk, cum se idem Paznanus fuge presidio se in villam Paztuk transtulisset. Item Erdeu et Petrus ac alij nobiles eciam dixerunt, quod Mathe et Paulus ac alij complices sui ipsos in vigilia Exaltacionis Sancte Crucis hoc anno presente circa villam Hetuwegh Wayuode insidiassent in via lite pendente, et eosdem interficere voluissent. Vnde fidelitati vestre mandamus precipiendo, quatenus vestrum mittatis testimonium ydoneum, cuius testimonio Nicolaus de Buchina homo noster accedat cum ipsis nobilibus et super premissis sciat, uideat et inquirat omnimodam ueritatem, et posthec, sicut uobis ueritas constiterit, nobis fideliter rescribatis. Datum Bude in festo Sancti Demetrij martiris.

(Eredetie bőrhártyán; a zárpecsét elveszett; a mélt, báró Mednyánszky család beczkói levéltárában.)