Nos Conuentus Monasterij Beati Adriani de Zala damus pro memeria, quod constituti personaliter coram nobis Reynoldus et Princh Comites, filij Comitis Princh ab una parte; Magister Emiricus de Ethuruh personaliter pro se et Andrea filio suo ab altera, propositum et relatum extitit per eosdem quod super vniuersis causis, quibus iuxta tenorem litterarum Nicolai Palatini, Capituli Vesprimiensis et Conuentus de Churle, Magister Bartholomeus frater dictorum Reynoldi et Princh conuictus extiterat contra Emiricum predictum et filios ipsius preter partem judicis minus duabus in quingentis marcis; pro quibus ijdem Emiricus et ipsuis filij in possessionem dicti Bartholomei Lyzou uocatam fuerant legitime intromissi; pro bono pacis per reformacionem proborum uirorum taliter concordassent: vt prefati Reynoldus et Princh deberent soluere quindecim marcas, partim in denarijs partim in estimacione, coram nobis Emirico et Andree predictis in terminis infrascriptis, feria sexta ante dominicam Esto Mihi quinque marcas, in octauis medij XL-me quinque marcas, et in octauis Pasce quinque marcas. Tali obligacione interposita, quod si primum terminum solucionis obmiserint, pene judicij; si secuadum, pene dupli; si uero tercium, amittent pecuniam persolutam, et pene duplici judiciorum, quibus iam dictus Bartholomeus conuictus extiterat, subiacebunt Reynoldus et Princh antedicti; facta autem finali solucione prescripti Emiricus et Andreas omnes litteras judiciales N. Palatini, Capituli Vesprimiensis et Conuentus de Churle, nec non quorumlibet, numero trigintasex, quas se habere dixerunt, dare et resignare tenentur ipsis Reynoldo et Princh coram nobis; quas si non redderent, judicio sexaginta marcarum subiacerent contra Reynoldum et Princh memoratos, et omnes eedem littere pro cassis per omnia haberentur. Dicimus eciam, quod quilibet terminus solucionum nec cum litteris Regalibus, nec aliqua contradiccione seu inpeticione potcrit prorogari. Datum feria sexta proxima ante dominicam Circumdederunt.

Kívűl: Pro Reynoldo et Princh Comitibus contra Emiricum composicionales.

(Eredetie bőrhártyán, a zárpecsétnek töredéke még megvan; a budai kir. kamarai levéltárban.)