Damus pro memoria, quod cum Andreas filius Comitis Gregorij de Babuna pro se et Magistro Gregorio fratre suo, Thoma et Petro filijs Nicolai cognatis suis de genere Koppan contra Johannem filium alterius Nicolai de eadem agere uoluisset proponendo, quod ipse maiorem porcionem haberet in terris eorundem communibus, quam deberet, hoc idem ipso Johanne contra eosdem ex aduerso affirmante, quod ipsa maior porcio per patrem et alios progenitores suos sibi remansisset; tandem predictus Gregorius pro se et alijs cognatis suis supradictis contra eundem in ipso loco egit coram nobis, quod dictus Johannes esset fur, latro, homicida, fabricator monete, falsarius, et quod de patre suo sibi falsa sigilla remansissent, et adhuc membrana cum falso sigillo in scrinio suo nunc haberetur. Vnde decreuimus, quod quia idem Johannes solus erat, et accio dicti Gregorij effusionem sanguinis respicere videbatur, omnis alia lis seu accio supersedere debeat interim, donec accio contra Johannem predictum per eundem Gregorium processa uel emersa fine debito terminetur. Johannes uero in octauis Pentecostes proxime uenturia cognatis suis statutis super premissis contra eosdem respondere teneatur perhemptorie coram nobis. Datum Bude sabbato ante dominicam Oculi Mei.

(Eredetie bőrhártyán, melynek hátán az oda nyomott pecsétnek töredéke megvan; mélt. Szalay Ágoston úr gyűjteményében.)