(St)ephanus Dei gracia Hungarie, Dalmacie, Croacie, Rame, Seruie, Gallicie, Lodomerie, Cumanie Bulgarieque Rex omnibus presentem paginam inspecturis salutem in omnium saluatore. Ad vniuersorum noticiam harum serie uolumus peruenire, quod hospites nostri de Petrine ad nostram accedentes presenciam exhibuerunt nobis priuilegium domini Bele illustris. Regis Hungarie felicis recordacionis karissimi patris nostri super libertate ipsorum olim datum; petentes cum instancia, vt idem ratum habere et nostro dignaremur priuilegio confirmare. Cuius quidem priuilegij tenor talis est:

Bele D. gr. Hungarie stb. Rex stb. (következik IV. Béla királynak 1242-ki privilegiuma, mint fentebb 545. sz. a.)

Nos itaque iustis eorundem hospitum nostrorum precibus inclinati, ipsum priuilegium innouantes de uerbo ad verbum insertum presentibus coufirmamus duplicis sigilli nostri munimine roborando. Et nichilominus concedimus de nouo iuxta libertatem et consuetudinem hospitum aliorum, quod in nullo casu testes extranei producantur contra ipsos, sed negocia iuxta aliorum Regalium hospitum morem hactenus obseruatum per iuramentum debeant lagitime terminari, quod in omni casu volumus immutabititer obseruari. Datum per manus Magistri Benedicti Orodiensis Ecclesie Prepositi, Aule nostre ViceCaneellarii dilecti et fidelis nostri; anno Domini MşCCşLXXş primo, indiccione XIIII., V. kalendas Octobris, Regni autem nostri anno secundo. Venerabilibus patribus Philippo Strigoniensi, Stephano Colocensi Aule Regie Cancellario et Johanna Spalatensi Archiepiscopis. Lamperto Agriensi, Briccio Chanadiensi, Job Quinqueecclesiensi, Philippo Vaciensi, Paulo Vesprimiensi, Thymotheo Zagrabiensi, Lodomerio Waradiensi, Dionisio Jauriensi et Petro Transiluano Episcopis Ecclesias Dei feliciter gubernantibus. Moys Palatino Supruniensi Comite Judice Cumanorum, Nicolao Judice Curie nostre Comite Symigiensi, Egidio Magistro Tawarnicorum Comite Posoniensi, Joachino Bano tocius Sceauonie, Matheo Woywoda Transiluano et Comite de Zonuk, Laurencio Bano de Sceurino et Comite de Dobuka, Petro Magistro Dapiferorum Comite de Guechke, Alberto Magistro Agasonum Comite Zybiniensi, Philippo Magistro Pincernarum, Paulo Comite Bachyensi, Gregorio Magistro Thawarnicorum domine Regine Comite Castri Ferrei, Ponit Bano Comite Zaladiensi, Michaele Comite Nitriensi, et aliis quam pluribus Comitatus et honores Regni tenentibus.

(IV. László királynak 1274-ki megerősítő privilegiumából, mint alább. 551. szám alatt.)