Amicis suis Capitulo Jauriensi Comes Ladizlaus Judex Curie domini Regis amiciciam paratam. Dixit nobis Magister Corraldus de Owar, quod Herbordus filius Herbordi, Chovaz officialis eiusdem, populi ipsius de villa, Igmelch cum suis complicibus feria quinta proxima ante festum Beati Egidij confessoris hoc anno super villam suam Pothfolua vocatam manu armata potencialiter uenissent, et ipsam penitus destruxissent, dampnum in ipsa destruccione in equis, bobus et alijs rebus mobilibus et inmobilibus centum marcarum inferendo lite pendente inter ipsos. Quocirca amiciciam vestram petimus diligenter, quatenus vestrum detis testimonium Paulo filio Andarka homini domini Regis, qui de premissis omnibus sciat et inquirat ab omnibus quibus decet ueritatem, citando psos Herbordum, Chovaz et villam Igmelch contra Comitem Corraldum ad Regiam Presenciam ad terminum competentem; post hec diem citacionis, terminum assignatum et tocius facti seriem domino Regi rescribatis. Datum Bude septimo die quindenarum Sancti Regis Stephani. Propter absenciam sigilli nostri presentes sub sigillo Comitis Salomonis duximus concedendas.

Kivűl: Capitulo Jauriensi pro Magistro Corraldo.

(Eredetie bőrhártyán, a zárpecsét elveszett; a mélt. báró Révay család levéltárában.)