Ladizlaus Dei gracia Hungarie, Dalmacie, Croacie, Rame, Seruie, Gallicie, Lodomerie, Cumanie Bulgarieque Rex omnibus Christi fidelibus presentibus et futuris, ad quos presentes littere peruenerint, salutem in eo qui Regibus dat salutem. Justis petencium desiderijs Principis animum inclinari ordo iuris et uigor exigit equitatis; dummodo quod petitur, equitati minime contradicat, et iuri non preiudicet alieno. Ad uniuersorum igitur noticiam tenore presencium uolumus peruenire: quod hospites nostri de Petrine ad nostram accedentes presenciam exhibuerunt nobis priuilegium domini Stephani illustris Regis Hungarie clare memorie, karissimi patris nostri, super libertate ipsorum confectum; postulantes cum instancia, vt idem ratificare, et nostro dignaremur priuilegio confirmare. Cuius quidem priuilegij tenor talis est:

(St)ephanus D. gr. Hungarie stb. Rex stb. (következik V. István királynak 1271-ki privilegiuma, mint fentebb 549. szám alatt.)

Nos igitur precibus prefatorum hospitum fauorabiliter annuentes ipsum priuilegium de uerbo ad uerbum presentibus insertum duplicis sigilli nostri munimine innouantes duximus roborandum. Datum per manus Magistri Benedicti Sancte Strigoniensis Ecclesie Electi, Prepositi Budensis, Aule nostre ViceCancellarij dilecti et fidelis nostri, anno Domini MşCCş LXXş quarto, Regni autem nostri auno secundo. Venerabilibus patribus Stephano Colocensi et Johanne Spalatensi Archiepiscopis; Lamperto Agriensi, Briccio Chanadiensi, Job Quinqueecclesiensi, Paulo Vesprimiensi, Aule nostre Cancellario, Philippo Vaciensi Aule domine Regine consortis nostre karissime Cancellario, Ladizlao Waradiensi, Thymotheo Zagrabiensi, Dionisio Jauriensi et Petro Transiluano Episcopis Ecclesias Dei feliciter gubernantibus. Dionisio Palatino Comite de Oclych et Judice Cumanorum, Nicolao Woyuoda Transiluano Comite de Zonuk, Hincone Bano tocius Sclauonie, Iwanchyno Magistro Thauarnicorum nostrorum Comitede Plys, Nicolao Judice Curie nostre Comite de Guechke, Paulo Bano de Zeurino, Moys Magistro Tawarnicorum domine Regine karissime consortis nostre Comite Symigiensi, Herbordo Magistro Agasonum nostrorum Comite de Barana, Reynoldo Magistro Dapiferorum nostrorum Comite Zulgageuriensi; Nicolao Magistro Pincernarum nostrorum, Johanne Comite Supruniensi, Gregorio Comite Castri Ferrei, Jacobo Comite Nitriensi, Dedalo Comite Zaladiensi, et alijs quam pluribus Comitatus Regni nostri tenentibus et honores.

(A zágrábi káptalannak 1341. »Nicolaus Villicus et Laden ciuis libere ville de Petrina, suo et nomine vniuersorum ciuium de eadem« kérésére kelt átiratából; a budai kir. kamarai levéltárnak Zágrábban lévő részében.)