(A)ndreas Dei gracia Hungarie, Dalmacie, Croacie, Rame, Seruie, Gallicie, Lodomerie, Comanie Bulgarieque Rex omnibus Castri fidelibus tam presentibus quam futuris presens scriptum inspecturis salutem in Domino sempiternam. Ad vniuersorum noticiam harum serie volumus peruenire, quod Magister Petrus filius Compoldi ad nostram accedens presenciam exhibuit nobis priuilegium domini Stephani Regis inclite recordacionis super collacione cuiusdam terre Wrs uocate confectum, petens cum instancia, ut ipsum priuilegium ratum habere, et nostro dignaremur priuilegio confirmare. Cuius quidem tenor talis est:

(S)tephanus D. gr. junior Rex Vngarie stb. (következik István ifj. királynak 1264-ki adománylevele, mint fentebb 547. sz. a.)

Nos itaque peticionem ipsius Magistri Petri attendentes fore iustam, consideratisque fidelitatibus et seruiciorum meritis eiusdem, que nobis sepius, et specialiter in expedicione nostra contra dominum Albertum Ducem Austrie, Regni nostri tunc capitalem inimicum habita, obi idem diuersis fortune casibus se subbmittere non formidauit; et eciam cum nos contra filios Thome moto exercitu nostro iuissemus, et castra ipsorum expugnari et demoliri fecissemus, in expugnacione castri Adryan idem Magister Petrus grauiter extiterat uulneratus, fideliter exhibuit et inpendit; quia eciam dictam terram per dominum Belam Regem mediantibus suis patentibus littteris dicto Comiti Compolth iuxta collacionem ipsius domini Stephani Regis fore collatam comperimus; dictum priuilegium domini Stephani Regis de uerbo ad uerbum presentibus insertum, auctoritate presencinm confirmamus duplicis sigilli nostri munimine roborando. Datum per manus discreti viri Magistri Theodori Albensis Ecclesie Prepositi Aule nostre ViceCancellarij dilecti et fidelis nostri anno Domini MşCCş nonagesimo quarto.

(Eredetie bőrhártyán, melyről a király kettős pecsétjének töredéke sárga-ibolyaszinű selyemzsinóron függ; a budai kir. kamarai levéltárban.)