Garinus prepositus Quinqueecclesiensis, vniuersumque eiusdem loci Capitulum Omnibus presens scriptum cernentibus salutem in domino. Ad uniuersorum noticiam uolumus pervenire. Quod constitutus in nostra presencia Ombus de Meses vna cum heremitis Sancti Jacobi confessus est coram nobis idem Ombus, se medietatem molendini sui, quod sytum est in Meses cum Curia sua, pro quatuor Marcis et fertone, et tribus ponderibus predictis heremitis vendidisse et precium ab ipsis totaliter recepisse. Et ne super hac vendicione aliqua in posterum dubietas oriatur, Nos ad peticionem iam dicti Ombus sepefatis heremitis presentem cartam contulimus Sigilli nostri munimine roboratam, Actum Anno domini Millesimo CC° XXX° IIII°. Mense Marcio Georgio Cantore, Sixto Custode, Teodoro decano et aliis quam pluribus existentibus. Datum per manus Thome magistri, Lectoris Quinqueecclesiensis.

Fölűl cyrographummal ellátott eredetije az orsz. ltár kincst. oszt. Paulin. Patach. 1. 24. Közli: Vincze Gábor.