G. dei gracia Jauriensis episcopus. Y. Supruniensis. et L. Musuniensis comites. omnibus presens scriptum inspecturis salutem in domino. Ad uniuersorum peruenire uolumus noticiam quod cum ex precepto regis terras uillas absque donacione regis possessas. in parochys castri ferrei et Supruniensis et Musuniensis discuteremus. Micsa et Lampertus et dionisius in termino a nobis assignato priuilegium suum coram nobis ostenderunt super terra de Kuscku ad quatuor aratra. cuius priuilegium tenorem inspicientes, donacionem eisdem a rege factam iuste et merito pronunciauimus sicut in eorum priuilegio continetur. Et ne processu temporum factum nostrum in irritum reuocetur litteras nostras sigillorum nostrorum munimine roborauimus.

Hártyaszalagon függött pecsétje elveszett; eredetije a N. Muzeumban. Közli: Nagy Imre.