Bela dei gracia Hungarie, Dalmacie, Croacie, Rame, Seruie, Gallicie, Bulgarieque, Lodomerieque (így) Rex. Omnibus Christi fidelibus tam presentibus quam futuris, presentem paginam inspecturis Salutem in eo, qui credencium est vera salus. Rex potens, virtute preditus iusticie subiectis salutis prebens exempla et opera in presenti honore et in futuro celesti cum sanctis dechorabitur gloria. Quapropter vniuersorum noticie presentis pagine innotescat tenore, quod cum beata Elyzabet soror nostra in Christo karissima in regno Turingie maritali viduata esset consorcio, antequam animam meritis plenam felicibus tradidisset bonis inhesuram perhempnibus, quidam, qui ex regnicolis nostris illuc secum sue desponsacionis tempore iuerant, ad nos reuersi fuissent, videlicet Farcasius et David in retribucionem seruiciorum suorum eidem sorori nostre beate Elyzabet inpensorum, humili cum instancia a nobis petiuerunt, ut in possessione eorum in nomine et honore eiusdem beate Elyzabet ecclesiam possint construere et edificare, et ut in ea laudes deo debite queant persolui, sine preiudicio aliorum parochiam dare et limitare dignaremur eidem. Nos igitur eorum peticionibus salubribus annuentes admisimus, vt predictam ecclesiam construant et edificent, populique tam nostri, quam aliorum parochiales dicte ecclesie subscripti existant, primo Kapusd, villa porcariorum nostrorum Castri Posoniensis. Item Igrech villa Joculatorum eiusdem Castri nostri circa fluuium Barzanch. Item villa Chatey, Item villa nobilium de Borsa, Item nobiles Iobagiones Castri Dauid et aly. Item Ikran Zous et Mortun populi Castri Posoniensis. Item a parte superiori ipsius ecclesie Tekulchen nobilis cum suis proximis. Item ville Bahun usque Vyscham possessionemTyburcy iuxta Barzanch ad ecclesiam beate Elyzabet Capulna dictam proprio iure et irrevocabiliter subsistant; et ne processu temporum talis nostra gracia possit per quempiam irritari presentes dedimus literas dupplicis sigilli nostri appensione roboratas. Datum per manus discreti viri magistri Farcasy prepositi ecclesie Albensis, Aule nostre vicecancellary dilecti et fidelis nostri, Anno dominice incarnacionis M^mo CC^mo XL^mo quarto. Regni autem nostri decimo.

A pozsonyi káptalannak 1364. évi átiratából, melynek eredetije az orsz. ltár kincst. oszt. Eccl. 52. 3. Kiadta már Fejér is, id. m. IV. 1. 339. l., de hibásan és hiányosan. Közli: Vincze Gábor.