Omnibus Christi fidelibus presentes litteras inspecturis Agriensis ecclesie deuotum Capitulum Salutem in uero saluatore. Vniuersitati uestre tenore presencium facimus fieri manifestum, Quod accedens ad nostram presenciam Johannes filius Karuli de genere Bel ex vna parte Nicolaus et Jako fily Pangracy de genere Myskouch ex altera proposuerunt coram nobis Nicolaus et Jako predicti, quod quandam terram, que Nempthy vocatur, racione dotis matris eorum obtentam vendidissent Johanni filio Karuli supradicto pro quatuor marcis argenti de consensu et voluntate matris ipsorum et de permissu cognatorum suorum necnon et Abbatis trium foncium commetanei eorundem, respondente Petro sacerdote Capelle Sancti Thome de tribus fontibus pro Abbate et Georgio filio Luca asserente suos cognatos huic vendicioni vnanimiter consensisse. Cuius terre prima meta ab ostio ecclesie sancti Petri (így) et venit ad altare directe per medium ipsius ecclesie hinc venit per Berchy per tres metas contiguas ad finem montis, in quo sita est ecclesia antedicta; hinc incipit tenere metam cum terra ecclesie trium foncium, que Crald vocatur; hinc per Berchy venit versus meridiem per septem metas in ordine positas et incipit tenere metas cum terra nostra, due Bucco vocatur; hinc descendit ab vno Berchy in vallem et venit in valle iuxta duas metas continuas directe ad fluuium Hangon et ibi est meta; hinc per cursum unius fluuy venit inferius, et incipit tenere metam cum terra Nicolai fily Karuli fratris Johannis antedicti, quam emerat a Sena; hinc uenit per fiuuium ad vnam statuam lapideam, et hinc deserto fluuio venit ad magnam viam; hinc redyt per ipsam viam ad ostium ecclesie, vbi prima meta inceperat. Item istud volumus non latere, quod Nicolaus et Jako sepedicti confessi sunt illas quatuor marcas ad se a Johanne supradicto plenarie recepisse, obligando se, quod quidquit quescionis racione terre predicte Johannem contingeret, ipsum tueri tenerentur, nec umquam ipsam terram a Johanne sepedicto uel suis heredibus cauillose recipere conarentur. Nos vero ut huius rey memoria perpetuam capiat firmitatem ad peticionem parcium concedendum duximus presens scriptum communi fratrum nostrorum consensu. Istis presentibus Nicolao preposito, Petro Cantore, Cyka custode, magistro Leusthachio, Francisco, Laurencio et Ladislao Archidiaconis et alys. Regnante glorioso rege Hungarie Bela, Stephano Strigoniensi, Benedicto Collocensi Archiepiscopis, Domino Lamperto Agriensis ecclesie electo existentibus. Anno Domini Millesimo ducentesimo quatragesimo sexto.

Báthory István országbírónak 1437. évi átiratából, melynek eredetije az orsz. ltár kincst. oszt. Eccl. 11. 10. Közli: Vincze Gábor.