Innocencius episcopus seruus seruorum dei Venerabilibus fratribus Archiepiscopis et Episcopis et Dilectis filys Archidiaconis, ad quos littere iste peruenerint Salutem et apostolicam benediccionem. Cum dilecti fily fratres Milicie Templi nullum habeant Episcopum vel Prelatum preter Romanum pontificem et speciali prerogatiua gaudeant libertatis, non decet vos in eos vel clericos aut ecclesias eorum, in quibus potestatem ecclesiasticam non habetis absque mandato nostro excommunicacionis uel interdicti sentenciam promulgare. Sed si quando vos vel subditos vestros ydem fratres iniuste tractauerint, per vos aut nuncios uestros id Romano pontifici significare debetis, ac per ipsum de memoratis fratribus iusticiam obtinere. Inde est, quod uniuersitati uestre per apostolica scripta precipiendo mandamus, quatinus in predictos fratres siue clericos, aut ecclesias eorum, in quibus auctoritatem nequaquam habetis excommunicacionis uel interdicti sentenciam promulgare nullanerus presumatis, nec eos alias indebita uexacione grauetis, sed erga ipsos vos taliter habeatis, quod non habeant aduersus vos materiam querelandi. Scituri, quod si mandatum nostrum neglexeritis in hac parte dimittere non peterimus, quin eisdem fratribus in sua iusticia, si apud nos querelam iterum deposuerint, efficaciter prouidere curemus. Datum Lugduni X. Kalendas Augusti. Pontificatus nostri anno Septimo.

Függő pecsét nyomaival. Eredetije az orsz. ltár kincst. oszt. Eccl. 46. 55. Közli: Vincze Gábor.