Zlandus dei gracia Episcopus vesprimiensis. Omnibus presentes litteras inspecturis salutem in domino ihesu xpo Nouerint vniuersi quod cum domina Margareta filia Marcelli de Sitka relicta Leurente fily Johannis. uxor Deta de genere Puck. Saulum filium Johannis de Leurente pro dote et rebus parefarnalibus suis ipsam de dicto Leurente contingentibus coram nobis traxisset in causam et cum ipsam causam suam super dicta dote et dotaliciis suis dedisset et contulisset prefato marito suo videlicet Deta domina superius memorata coram nostri presencia constituta fine debito prosequendam. licet inter dictum Saulum et Detam fuisset nimia contencio seu altercacio ventilata. Tandem Deta pretaxatus in nostram accedens presenciam dixit. quod sibi Saulus antedictus pro dicta dote et dotaliciis uxoris sue Margarethe superius memorate satisfecisset in omnibus et per omnia pleno iure. ita quod decetero nec ipse........ nec fratres seu cognati dicte domine prefatum Saulum et suos successores super dicta dote et dotaliciis inpetere poterunt vllo modo. In cuius facti memoriam pleniorem et ad inreuocabilem firmitatem presentes concessimus litteras sigilli nostri munimine roboratas. Datum anno gracie M°. cc°. Quinquagesimo Primo.

Hártyaszalagon függött pecsétje elveszett; eredetije a N. Muzeumban. Közli: Nagy Imre.