Bela dei gracia Hungarie. Dalmacie. Croacie Rame. Seruie Gallicie Lodomerie Cumanieque Rex omnibus xpi fidelibus tam presentibus quam futuris presens scriptum inspecturis salutem in omnium saluatore. Quod Regia auctoritate sanccitur perpetue nititur testimonio firmitatis; Proinde ad vniuersorum noticiam tenore presencium uolumus peruenire. Quod cum Comes Kunch gener comitis Jordani de Scepus aprimeuis puericie sue temporibus pro fidelitate regni et corone debita diuersis fortune casibus se exponendo nolens parcere rebus nec persone et specialiter in legacionibus nostris in regno et extra regnum deferendis nobis gratum exhibuit seruicium et sedulum famulatum propter que apud nostram maiestatem merito fuerat commendandus. quandam terram nostram Myloy uocatam vna cum nigra silua abutraque parte fluuy Hernad existentem. in districtu Scepsiensi cum omnibus vtilitatibus suis et pertinencys vniuersis. secundum quod ad nostram pertinuit maiestatem eidem comiti Kunch. et per eum suis heredibus heredumque suorum successoribus dedimus. donauimus. contulimus. et tradidimus iure perpetuo possidendam pariter et habendam, eo tytulo eo iure ea plenitudine eaque libertate. qua ueri et primi regni nostri nobiles gratulantur Cuius mete et termini prout nobis dilectus et fidelis noster magister Aba, quem nos ad ordinandas et disponendas terras comitatus Scepsiensis transmiseramus nobis rescripsit taliter distinguntur; Prima meta seu terminus incipit in fluuio Hernad. aparte occidentali. ubi fluuius yemnik intrat in fluuium Harnad. et de ipso fluuio Harnad egreditur contra aquilonem. ad latus cuiusdam montis ad arborem Tylie. Deinde girat in latere eiusdem montis et uenit ad vnam metam terream. Abinde per quandam rippam protenditur ad pratum et uenit ad magnam viam et pertranseundo ipsam viam uenit ad metam terream iuxta ipsam viam eleuatam. Deinde ascendit ad montem Kabalahege uocatum; deinde uenit ad metam filiorum comitis Razlay; deinde egreditur ad orientem in longitudine vnius Jugeris. et ab inde per vnum berch descendens uersus aquilonem uenit ad metam terream circa rubrum (így) eleuatam. ab hinc egreditur ad orientem et transiens pratum per quandam semitam peruenit ad latus cuiusdam montis Mohylka uocati ad metam terream deinde ascendit ipsum montem ad orientem ad quandam arborem Luchfenew uocatum (így) sub qua est meta terrea. Exinde declinat ad aquilonem et uenit ad aquam Logyna uocatum (így) ubi uetus fossatum cadit in nouum et transiens ipsam aquam ascendit ad montem et uenit ad metam nobilium de Kurtuelus. Deinde flectitur ad orientem et uenit ad metam iuxta quandam semitam in rubo eleuatam. Exinde diuertitur ad meridiem et in eadem semita descendit de monte, et uenit ad aquam Logyna supradictam circa pontem, Et exinde inueteri fossato eiusdem aque uergens ad orientem per Pratum uenit admetas populorum nostrorum de uilla Kurtueles supradicta, Exinde egreditur ad meridiem ad metam terream, in latere eiusdem Prati iuxta terras arabiles eleuatam, Deinde per rubos protenditur ad montem ad metam terream. ab inde inter orientem et meridiem currit ad vnam viam, et transiens ipsam viam uenit ad vnam metam terream, et de ipsa descendit in fluuium Harnad supradictum, ad unum lapidem qui uulgo Scalka uocatur; et transiens ipsum fluuium Harnad contra meridiem cadit in fluium (így) Kostrosin et ibi est meta terrea, et per ipsum fluium Kostrosin qui maior Kostrosin uocatur. currit ad caput eiusdem fluiuy (így) Et ab inde inter orientem et meridiem currens perprofundam siluam cadit in fluuium Gylnich contra unum lapidem. et de ipso lapide in eodem fluuio currit supra ad longitudinem trium Jugerum et ibi pertransit ipsum fluuium magna via que uadit uersus Jazou per locum Heremitory. Et ab inde currit in eodem fluuio Gylnich. usque ubi Zekespotok cadit in ipsum fluuium Gylnich et ibi prosilyt de ipso fluuio Gylnich. et uadit supra usque ad caput fluuy Zekespotok uocati uersus aquilonem. Et ab inde transit per uerticem cuiusdam montis et descendens de ipso monte cadit ad fluuium Monoros uocatum ubi fluuius Cyha uocatus cadit in ipsum fluuium Monoros. Et abinde per unum montem ascendendo. et descendendo uersus aquilonem peruenit ad fluuium Harnad antedictum ubi prima meta est incepta et ibi terminantur. volumus eciam non latere quod nos eidem Kunch et successoribus suis ob specialiorem fauorem ac dileccionem de plenitudine nostre gracie. hanc duximus graciam faciendam. quod preter personam nostre maiestatis nullus Comes noster de Scepus pro tempore constitutus ipsum uel heredes suos ualeat possit seu presumat Judicare. Concessimus eciam eidem Kunch comiti et heredibus suis quod si processu temporis. Jobagiones ad ipsam terram Myloy posset congregare omnes causas inter Jobagiones suos exortas. homicidia. videlicet. furta. latrocinia et effusiones saguinum (így) cum causis minoribus ipse idem in sua possessione iudicabit Incuius rei memoriam firmitatemque perpetuam eidem comiti Kunch nostras concessimus litteras duplicis sigilli nostri munimine roboratas; Datum per manus matristri Smaragdi albiensis (így) ecclesie prepositi aule nostre vicecancelary dilecti et fidelis nostri Anno domini. M°. c°c°. L°. v°. Regni autem nostri anno vicesimo.

III. Endre királynak 1295. évi átiratából; l. alább.