Capitulum ecclesie Geuriensis vniuersis Christiane fidei cultoribus presencium inspectoribus salutem in domino Ihesu Christo. Vniuersitatis uestre noticie harum serie declaramus, quod Stephanus filius Stephani de generacione Cherna coram nobis comparendo est confessus, eo quod liberos non haberet, totam ipsius porcionem in Cherna, ipsum iure hereditario contingentem in terra arabili et feneto, uolens saluti anime sue prouidere, ut cum instis brauium reciperet peroptatum, monasterio de Cherna contulisse. Adiecto nichilominus, ut quamdiu idem uixerit ex eiusdem porcionis emolumento se ualeat sustentare. Vt igitur huius donacionis series robur perpetue firmitatis optineat, presentes litteras sigillo nostro impressas, Monasterio de Cherna duximus concedendas ad peticionem Stephani supradicti. Anno gracie M° CC° L° quinto. Chepano preposito, Jurkone Cantore, Thoma Custode existentibus, in sabbato proximo post Octauas beati Martini.

Hártyaszalagon függött pecsét nyomaival, fölűl cyrographummal. Eredetije az orsz. ltár kincst. oszt. Eccl. 37. 66. Közli: Vincze Gábor.