Nos Ph.* Strigoniensis, Sm.* Colocensis Archiepiscopi, R.* banus tocius Sclauonie, magister Mau.* tauarnicorum domini Regis senioris, Ladizlaus Woyawoda transsiluanus et magister Baas iudex curie illustris Regia iunioris ab utrisque regibus in iudices deputati memorie commendamus, quod cum porcionem in uillis Jeneu, Zecheu, Thomam Cabas contingentem, prout porcionem filiorum Vza restitui decreuissemus eidem Thome, et eundem Thomam in priuilegio illustris Regis iunioris contra ecclesiam beate Virginis de insula, in sex iudiciis remansisse comperissemus, uolumus, ut donec de predictis sex iudiciis per ipsum Thomam satisfiat ecclesie prenotate in suam in dictis villis non introducatur porcionem, si idem Thomas Cabas per litteras seu instrumenta legitime non poterit excusare, uel defensare preuia racione. Datum in Insula sancte Marie sabbato post ascensionem domini.

Kivűl: Contra Thomam Cabas pro ecclesia beate Virginis de Insula.

Kivűl rányomott záró pecsét nyomaival. Eredetije az orsz. ltár kincst. oszt. Mon. VBud. 8. 2. Közli: Vincze Gábor.