Conuentus cruciferorom domus hospitalis de Alba omnibus presens scriptum intuentibus salutem in domino sempiternam. Ad vniuersorum noticiam presencium tenore uolumus peruenire, quod feria quinta proxima post dominicam Judica Bokod filio comitis Ompud ab una parte et magistro Petres filio Petres de villa Torwoy ex altera, in nostra presencia personaliter constitutis idem Bokot confessus est terram suam totalem Sven uocatam uacuam omnino suo iuri tantummodo pertinentem, ut dicebat ipsi magistro Petres pignori obligasse pro triginta marcis argenti mercimonialis receptis plenarie ab eodem, hoc interposito, quod si dictam terram ipse, uel aliqui commetaneorum eiusdem usque ad octauam Pentecostes subsequentem redimere uellent, memoratam summam pecunie refundendo, plenam haberent eam redimendi facultatem; si uero non, ex tunc illa terra pleno iuro perpetuaretur magistro Petres prenotato irreuocabiliter possidenda, et huic contractui Mortunus frater sepedicti Bokot, Cheke centurio, Waro filius Teke, Pethe centurio et Stephanus filius Hywe de commetanea villa Kelety pro se et pro populis eiusdem ville assistendo consensum prebuerunt et assensum. Adueniente itaque predicta octaua pentecostes magister Petres comparens coram nobis sepedictum Bokot et commetaneos, si qui uellent redimere ex eis ipsam terram, quatuor diebus contitinuis expectauit; quinto autem die Bokot cum centurionibus et alys superius nominatis et commetaneis ipsius terre ad nostram presenciam accedentes dixerunt, quod memoratam terram Sven non possent redimere, neque uellent, ymo eam magistro Petres et suis heredibus reliquerunt perpetuo pacifice possidendam, petentes nos, ut eidem uendicionem factam nostro dignaremur priuilegio confirmare, quod et fecimus, peticionem eorumdem iustam et legitimam attendentes. Comparuit eciam coram nobis Theodorus filius Leustachy de villa Elyas, qui pro se et Alexandro filio Baar et Luka filio Gogan commetaneis ipsius terre, contractum huiusmodi laudauit pariter et admisit. Cuius terre mete, sicut nobis partes et commetanei nominati retulerunt, hoc ordine distinguuntur. Prima siquidem meta incipit a parte septemtrionali a profunda aqua Saar, que wlgariter Evrem appellatur, et per magnum siccum fossatum uadit ad unam magnam metam terream, que est iuxta ipsum fossatum. Dehinc ascendit ad montem sub vineis existentem et procedendo in uertice eiusdem montis uersus meridiem uenit supra locum vinee antique. Deinde tendens directe et transiens quandam uallem peruenit ad magnam metam terream, que est in angulo eiusdem terre, iuxta uiam, que uenit de Kelety et uadit in Adamd. Abinde deacendens in uallem uersus septemtrionem uenit ad duas metas terreas, et deinde procedit ad quatuor metas terreas; hinc uero ascendens in montem uersus orientem, venit ad duas metas terreas, et deinde per dupplices metas terreas uadit ad ipsam aquam Saar ad magnum portum wlgariter Sven Nogrevy appellatum, ibique terminatur. In cuius rei testimonium et perpetuam firmitatem magistro Petres, presentes dedimus litteras sigilli nostri munimine roboratas. Anno domini Millesimo Ducentesimo LX° Quinto. XIIII° Kalendas July. Benedicto priore et custode ecclesie nostre existente.

Sárga-lila selyemszálakon függő pecséttel. Eredetije az orsz. ltár kincst. oszt. Paul. Thold. 2. 3. Megvan IV. László királynak 1277. évi átiratában is. (ezt l. alább.) Közli: Vincze Gábor.