(B)ela dei gracia Hungarie, Dalmacie, Croacie, Rame, Seruie, Gallicie, Lodomerie, Comanieque Rex omnibus Christi fidelibus tam presentibus, quam futuris salutem in omnium saluatore. Ad vniuersorum noticiam harum serie volumus peruenire. Quod magister Demetrius filius Salomonis de iuxta Zala ad nostram accedens presenciam quandam terram castrensium nostrorum in comitatu Zaladiensi existentem, Zyger vocatam, super qua Tumpa et cognati sui residebant pro fidelibus et meritorys seruicys suis nobis et corone Regie fideliter inpensis, a nostra maiestate petiuit sibi dari. Verum quia de qualitate et quantitate ipsius terre ueritas nobis non constabat, fidelibus nostris Abbati et Conuentui Zaladiensi dedimus in mandatis, ut hominem ipsorum fide dignum darent pro testimonio, coram quo Emiricus filius Hercheg homo noster presentibus conmetaneis et vicinis reambularet ipsam terram et statueret ipsi magistro Demetrio, si non fieret contradictum, contradictoribus nichilominus ad nostram presenciam euocatis, qui videlicet abbas et conventus, prout per hominem nostrum et testimonium ipsorum seire potuerunt, quantitatem ipsius terre ad quinque aratra sufficientem, prout oculis metiri potuit, et talibus cursibus metarum distinctam, ac nullo contradictore existente, dicto magistro Demetrio prefatam terram statutam in suis litteris nunciarunt, ita videlicet, quod prima meta incipit ab oriente iuxta magnam viam, ubi sunt due mete, vna terrea, et alia in arbore Ilicis, que videlicet mete ab aquilone terram eiusdem magistri Demetry Eredeuyfolu uocatam, a parte uero orientis temam filiorum Matie de genere Peech separant et distinguunt, per quam viam tendendo ad meridiem in duobus locis iuxta eandem viam ab occidente sunt due arbores Ilicum pro metis assignate terris circumfuse, de quibus uenit ad quandam arborem Ilicis similiter loco mete positam, vbi iungitur vicinitati terre Mortunus Kysseugerteanag vocate, de qua via magna declinat parumper ad aliam viam similiter ad meridiem, et peruenit ad duas motas angulares, in quibus sunt arbores ilicum, quarum vna separat ab ipsa terra Kysseugerteanag vocata, alia uero a terris ecclesie de Kopurnuk, de quibus flectitur ad occidentem, et yt ad quandam vallem Lyponuk nominatam, quam transeundo uenit in quadam via antiqua iuxta siluam eiusdem ecclesie de Kopurnuk ad aliam vallem Wosasastu uocatam, quam transyt et adhuc ad occidentem pergendo ad montem, in cacumine montis sunt due mete, in quibus sunt arbores ilicum, de quibus per binas et binas metas iuxta quandam viam peruenit ad metam angularem, per quam scilicet viam itur in Ilwag, ibique separatur a terra Jersa et inde pergit ad quandam vallem viminosam, in qua quidem valle pergendo reclinat uersus septemtrionem ad aliam vallem, per quam uadit ad duas motes arboribus Ilicum annexas, de quibus eundo in quandam via antiqua in monticulo, in vicinitate eiusdem terre Jerse in silua peruenit ad duas arbores Ilicum loco metarum positas, et ad huc ad septemtrionem pergendo in eodem monticulo per binas et binas metas descendit ad vallem Jasltw uocatam, ad vnam magnam arborem Ilicis loco angularis mete designatam, que a terra Jersa et a terris Betlem ac Kundacur separat et distingit, de qua reflectit se iterum ad orientem, et uenit ad orientem, et uenit ad quoddam nemus fagorum, ubi sunt due metee, a quibus tendendo peruenit ad commetaneitatem terre Pauli, et deinde per ueteres motes eundo adhuc ad orientem uenit ad vicinitatem terre Kemini fily Chenk, ac inde tendendo per magnas arbores Ilicum loco metarum designatas iungitur vicinitati terre Mike et peruenit ad duas metas angulares, quarum vna est arbor Ilicis, que separant a terra Stephani. In cuius quidem terre vicinitate flectitur palisper ad aquilonem et per magnas arbores Ilicum loco metarum signatas uenit ad quandam vallem Deda Byky uocatam, ubi sunt due mete terree, de quibus reclinat iterato ad orientem ad metas priores, bique terminatur. Nos igitur, qui ex officio suscepti regiminis metiri debemus merita singulorum, et vnicuique secundum merita suorum seruiciorum ympendere, et quia specialiter ipsum magistrum Demetrium per Stephanum...... Capitaneum Scinensem dilectum et fidelem nostrum, dominum suum, ac alios barones seu nobiles Regni nostri ueraciter intelleximus in expedicionibus confiny Regni nostri fortune casibus ob ardorem fidelitatis sue se submisisse, et multa uulnera quampluries super se recepisse; et ut aly exemplo ipsius ad fidelitatis opera prouocentur, ipsam terram Zyger uocatam sub metis prehabitis predicto magistro Demetrio et per eum suis heredibus, heredumque suorum successoribus dedimus, donauimus et contulimus perpetuo et irrevocabiliter possidendam. In cuius rei memoriam, firmtatemque perpetuam, presentes concessimus litteras dupplicis sigilli nostri munimine roboratas. Datum per manus discreti viri magistri Farcasy electi ecclesie Albensis, vicecancellary, dilecti et fidelis nostri. Anno dominice Incarnacionis Millesimo, Ducentesimo, Sexagesimo quinto: Regni autem nostri Anno tricesimo.

Függő pecsét nyomaival. Eredetije az orsz. ltár kincst. oszt., a Paulinusok rendezetlen iratai közt. Közli: Vincze Gábor.