(C)onuentus cruciferorum domus Hospitalis de Alba. Omnibus presens scriptum intuentibus salutem in domino sempiternam. Ad vniuersorum noticiam presencium tenore uolumus peruenire, quod feria quinta proxima post dominicam Judica Bokoth filius comitis Ombud ab vna parte, et magister Petres filius Petres de villa Toruoy ex altera in nostra personaliter constituti presencia, iamdictus Bokoth proposuit, quod terram suam totalem Suwen uocatam metis dupplicibus et terminis uallatam, incipiendo ab aqua Saar, que vulgariter appellatur Eureym per magnum siccum fossatum vadit ad magnam metam terream, et de ipsa meta ad metam, que est in angulo terre, et inde reuertitur ad ipsam aquam Saar, que vulgariter Nogreu apellatur, et ibi terminatur, sub titulo empcionis possessam et suo tantum modo iuri pertinentem, ut dicebat, predicto magistro Petres pignori obligasset, pro triginta marcis argenti mercimonialis receptis ab eodem, hoc interposito, quod si ipsam terram ipse vel aliqui conmetaneorum eiusdem usque ad octauam pentecostes subsequentem redimere uellent, memoratam summam pecunie refundendo plenam haberent eam redimendi facultatem, si uero non, ex tunc illa terra pleno iure perpetuaretur magistro Petres prenotato irreuocabiliter possidenda; et huic contractu (így) Martinus frater sepedicti Bokoth, Cheke centurio, Waro filius Theke, Pethe centurio et Stephanus filius Hyue de conmetanea villa Kyliti pro se et pro populis eiusdem ville asistendo consensum prebuerunt et assensum et quia adueniente predicta octaua pentecostes expectante prenominato magistro Petres quinque diebus coram nobis continuis, quinto autem die Bokoth sepius nominatus coram nobis comparuit cum conmetaneis omnibus ipsius terre nolentes ipsam redimere, postularunt a nobis uiua voce, ut contractum et seriem vendicionis sepedicte terre nostro dignaremur priuilegio confirmare, quod et focimus, peticionem eorumdem iustam et legitimam attendentes, presente Teodoro filio Leustachy de villa Elias, qui pro se et Alexandro filio Baar et Luka filio Gogan conmetaneis dicte terre, coram nobis comparendo sepedictum contractum uoluit pariter et laudauit. In cuius rei testimonium et firmitatem litteras presentes sigilli nostri munimine roboratas ad peticionem partis utriusque Magistro Petres dedimus pluries nominato. Anno domini M° CC° LX° septimo. XIIII° Kalendas July, fratre Benedicto priore et custode ecclesie nostre existante.

Vörös-zöld selyemszálakon függő pecséttel. Eredetije az orsz. ltár kincst. oszt. Paul. Thold. 2. 2. Közli: Vincze Gábor.