(S)tephanus dei gracia Hungarie, Dalmacie, Crouacie, Rame, Seruie, Gallicie, Lodomerie, Cumanie Bulgarieque Rex omnibus presens scriptum inspecturis salutem in omnium saluatora. Ad uniuersorum noticiam tenore presencium volumus peruenire, quod cum Deo propicio, adepto tocius Regni nostri pleno gubernaculo, pergratis quibusdam partibus regni nostri, in Apacha Somlyo nos uenire contigisset, Sanctimoniales in monasterio beati Lamperti ibidem constitute ad nostram accedendo presencium exhibuerunt nobis priuilegium Illustris Regis Bele felicis recordacionis karissimi patris nostri super medietate collecte condicionariorum predicti monastery confectum, petentes instanter vt ipsum priuilegium ratificare, et nostro dignaremur privilegio confirmare. Cuius quidem priuilegy tenor talis est. Bela dei gracia... stb. (l. IV. Béla királynak 1265. évi oklevelét föntebb, 37. sz. a.) Nos itaque predictum priuilegium patris nostri karissimi ratum habentes et acceptum, ad supplicacionem Sanctimonialium predictarum auctoritate presencium duximus confirmandum, dupplicis sigilli nostri munimine roborando. Datum per manus magistri Benedicti Orodiensis prepositi aule nostre vicecancellary, dilecti et fidelis nostri. Anno domini Millesimo Ducentesimo Septuagesimo. Regni autem nostri Anno primo.

Lilaszínű selyemszálakon függött pecsét nyomaival. Eredetije az orsz. ltár kincst. oszt. Mon. Pos. 25. l. Közli: Vincze Gábor.