Nos E. dei gracia Regina Hungarie memorie commendantes significamus vniuersis presencium per tenorem, quod terram Leuka fily Latamas Dapiferi nostri iobagionis exercitualium nostrorum, vt dicebat, Chun vocatam ad vsum vnius aratri sufficientem cum vinea et feneto ac alys vtilitatibus suis, quam quidem terram per patrem suum relictam quidam Cherke cum Marco fratre dicti Latamas quibusdam temporibus possederat, eisdem Leuka et Marco reliquimus et restituimus pleno iure pacifice possidendam, sicut primus pater suus possidebat, et ad corporalem possessionem dicte terre ipsos Leuka et Marcum per Symonem clericum nostrum, remoto Cherke prefato, fecimus introduci. Datum Bude in crastino Mathei Apostoli. Anno domini M° CC° LXX° secundo.

Kivűl rányomott pecsét nyomaival. Eredetije az orsz. ltár kincst. oszt. Mon. Pos. 51. 4. Közli: Vincze Gábor.