Ladizlaus dei gracia Hungarie, Dalmacie, Croacie, Rame, Seruie, Gallicie, Lodomerie, Cumanie, Bulgarieque Rex omnibus Christi fidelibus presentem paginam inspecturis salutem in omnium saluatore, Vniuersorum noticie tenore presencium declaramus, quod Nicolaus filius Buda, uir nobilis nostram adhiens (így) presenciam nobis humiliter supplicauit, quod nos in collacione cuiusdam terre castri Zaladiensis Mogor Rokolan uocate, eidem prouidere de Regie sublimitatis munificencia dignaremur. Nos siquidem, qui ex suscepti Regiminis gubernaculo singulorum obsequia meritoria oculo pietatis intueri non inmerito tenemur, inter cetera quedam gratuita obsequia ipsius Nicolai sublimitet recensentes, presentibus duximus inserenda, ea videlicet quum idem Nicolaus pro defensione Regie Corone dum dominus Stephanus Rex, pater noster karissimus contra Bolgaros exercitum leuasset, unacum fratre suo uterino Caslou nomine, mortis periculum nequaquam formidans, sub castro Budun, inuocato Christi nomine se in hostiles turmas potencialiter submisit, ibidemque ex aduersa acie quibusdam in ore gladi cesis, quibusdam uictorialiter captis, quibusdam plurimis in fugam conuersis, triumphum laudabilem reportauit. Predictum nichilominus Caslou, fratrem suum in eisdem, in bellicis sudoribus offensum, ineuitabili mortis uoragini commendando, sane consequenter eciam idem Nicolaus uirtutem, precellens uirtutibus, dum contra eundem patrem nostrum karissimum Rex Boemorum, ab olim Hungarice gentis capitalis inimicus insultum faceret repentinum, in aduersos hostes prompcioribus gressibus se submisit, nichil aliud anelans, quam quod nostra Regalis sublimitas sue potestatis funiculos in alienam gentem extendens, faceret longiores, ubi eciam passus nesciens facere reflexos, suo cruore humum non modicam madefecit. In reconpensacionem itaque tam fidelium seruiciorum condignam predictam terram Mogor Rokolan, super qua sex mansiones castrensium residere dicebantur, a castro Zaladiensi ex certa sciencia alienando seu eximendo, cum omnibus utilitatibus seu pertinencys iuxta cursus antiquarum metarum, quibus castrum tenuit et possedit dedimus, donauimus, contulimus et concessimus Nicolao pretaxato, et per eum suis heredibus, heredumque suorum successoribus pacifice perpetuo possidendam. Cuius quidem terre mete, prout in litteris fidelium nostrorum, Capituli uidelicet Wesprimiensis, quibus ipsum factum conmiseramus, euidencius didicimus, hoc ordine distinguuntur: Prima meta incipit a parte meridionali sub quibusdam arboribus Ilicis sunt mete angulares, quibus distinguitur a terris Towtrokolan et Igrich, et inde itur uersus partes occidentales in terris arabilibus ad metas angulares sub arbore ilicis existentes; postea curritur per duas metas continuas ad menitegudurre, et descenditur ad medium Kanysa cum metis continuis, et inde diuertitur in medio eiusdem fluuy ad partes aquilonis usque ad terras et motas Raduh, et ibi separatur cum duabus metis a predicta villa Raduh. Inde uergitur uersus orientales cum duabus metis continuis in quodam fluuio usque ad arborem Zumurowfeyze, et ibi sunt due mete angulares, Inde tenditur iuxta metas et terras magistri Casmery in eodem fluuio, et peruenit ad terras et metas magistri Chyntolon, inde cum duabus metis continuis in eodem fluuio diuertitur ad partes aquilonis, inter Telukkuz cum duabus metis continuis. Abhinc parum diuertendo ad partes occidentales itur prope ad vineas, et ibi sunt tres mete angulares in angulo vinee, et inde progreditur uersus partes aquilonis cum duabus metis continuis per vineas et terras arabiles; inde peruenit ad viam Samaragata uocatam ad occidentem, et ibi sunt due mete angulares; et inde tenditur ad aquilonem cum duabus metis continuis usque ad ordines vinearum in uia, per quam itur ad excidenda ligna, et inde uergitur perumper ad occidentem inter duas siluas cum duabus metis continuis et peruenit ad motas terre Hunth fily Stoyzlou, et ibi sunt tres mete angulares, per quas separatur a predicto Chyntolon; et inde paulisper procedendo in uia ad partes aquilonis peruenit ad metas Gregory fily Jula et ibi sunt due mete angulares in angulo Byk, per quas separatur a predicto Gregorio, et inde transit uersus partes orientales iuxta siluam fagi cum duabus metis continuis ad metas terre magistri Joachini fily Leustachy, ubi in valle fluuy sunt due mete sub arbore Jegune angulares, per quas separatur a predicto magistro Joachino; et inde diuertitur uersus meridiem in Zumdgudru, inde in fine Zyuazuelg uertitur ad partes orientales ad terras arabiles, et peruenit in quadam via ad Gudurfew ad meridionales partes, et ibidem sunt due mete angulares, per quas separatur a terra monastery de Cupurnuk, et diuertitur ad orientem in angulo vinee, ubi peruenit ad viam et ibi sunt due mete; et inde in ipsa via tendendo uergitur ad meridiem, et inter duas uias ad uirgultum, et ibi sunt due mete. Inde autem protenditur ad quandam uallem, ubi diuertitur ad orientem prope viam Joan et sub monte Byk sunt due mete augulares; et inde progreditur uersus partes meridionales sub dicto monte Byk cum duabus metis peruenitur ad orientes vinearum, et ibi iungitur ad quandam uallem, et ibi sunt due mete in arbore piri; abhinc tenditur in eadem uia cum duabus metis ad meridiem et peruenitur ad metas terre Toutrokolan. ubi sunt due mete angulares, quibus separatur a terris Touthrokolan. Inde diuertitur ad occidentem ad quoddam uirgultum, unde eundo ad meridiem tanguntur due mete, post hoc progreditur ad occidentem, et iungitur ad quandam viam, ubi sunt due mete, et in eadem via cum duabus metis continuis transit ad meridiem, et uirgultum transeundo sunt due mete, in cuius uirgulti fine itur ad viam, per quam itur ad villam Igrichy, et ibi sunt due mete. Abhinc saliendo ipsam viam ad partes occidentis in fine terrarum arabilium, et in medio uirgulti caditur in priores metas, ubi illarum metarum circuicio terminatur. Vt igitur huius nostre collacionis seu donacionis series robur obtineat perpetue firmitatis, nec processu temporum ualeat uel possit retractari, presentes concessimus litteras dupplicis sigilli nostri munimine roboratas. Datum per manus magistri Benedicti prepositi ecclesie Budensis, dilecti et fidelis nostri, Anno Domini M° CC° LXX° tercio. Regni autem nostri anno secundo. Metropolitica Strigoniensis ecclesie sede uacante. Venerabilibus patribus Stephano Colocensi et Johanne Spalatensi archiepiscopis, Briccio Chanadiensi, Lampertho Agriensi, Job Quinqueecclesiensi, Philippo Wachiensi, aule domine Regine Cancellario, Paulo Wesprimiensi, aule nostre Cancellario, Lodomerio Waradiensi, Tymotheo Zagrabiensi, Dyonisio Jauriensi et Petro transiluano Episcopis, ecclesias dei feliciter gubernantibus. Dyonisio palatino comite de Ocluch et Judice Cumanorum, Herrico bano tocius Sclauonie, Joachino magistro Tauarnicorum nostrorum, Nicolao Woyawada transiluano et comite de Zonuk, Moys comite Symigiensi, Johanne comite Supruniensi, Dedalo comite Zaladiensi, Salamone comite Albensi, et alys quam pluribus Comitatus Regni tenentibus et honores.

Kettős függő pecsét töredékeivel. Eredetije az orsz. ltár kincst. oszt. Paul. Örmény. 1. 14. Nyomát találjuk Fejérnél, id. m. V. 2. 124. l. Közli: Vincze Gábor.