Ladizlaus dei gracia Rex Hungarie fidelibus suis comiti Wesprimiensi pro tempore constituto et Curiali comiti eiusdem salutem et graciam. Cum nos populis sororum beate virginis de Wesprimio in comitatu Wesprimiensi constitutis de plenitudine gracie nostre hanc graciam duxerimus faciendam, ut in presencia alicuius Judicis aut in uestra contra quoslibet querelantes astare minime teneantur, nisi in nostri presencia uel Judicis Curie nostre, volumus et fidelitati uestre mandamus precipientes, Quatenus ipsos populos ultra graciam per nos factam non audeatis nec presumatis in aliquo molestare uel eciam aggrauare, nec in uestri presencia astare conpellatis. Volumus enim, quod in nostri presencia, uel Judicis Curie nostre, si qui aliquid accionis habent contra ipsos prosequantur, iuris ordine obseruato. Datum aput sanctam Crucem in Wertes in festo beati Benedicti confessoris.

Ugyancsak IV. László királynak 1276. évi átiratából; l. alább.