(L)adizlaus dei gracia Hungarie, Dalmacie, Crouacie, Rame, Seruie, Gallicie, Lodomerie, Cumanie, Bulgarieque Rex Omnibus Christi fidelibus presens scriptum inspecturis salutem in filio virginis gloriose. Ad vniuersorum noticiam tam modernorum, quam futurorum tenore presencium volumus peruenire, quod religiosa domina, venerabilis priorissa domina Sanctimonialium monastery beate virginis de valle Vesprimiensi ad nostram accedens presenciam exhibuit nobis quasdam patentes litteras nostras super exempcione Judicatus populorum suorum datas et concessas, petens cum instancia diligenti, quod nos easdem ratas habentes nostro dignaremur priuilegio confirmare, quarum tenor est talis: Ladizlaus... stb. (l. föntebb, 64. sz. a.) Nos siquidem, qui Regni gubernacula Deo propicio ad hoc sumus adepti, ut humilibus peticionibus maxime per religiosas personas nobis deuotissime porrectis exaudicionis graciam atribuere teneamur, ob hoc supplicacionem Sanctimonialis in hac parte admisimus misericorditer et benigne et ipsas litteras de uerbo ad uerbum presentibus annotatas approbamus, et presentis priuilegy patrocinio confirmamus. In cuius rei memoriam, firmitatemque perpetuam presentes concessimus litteras dupplicis sigilli nostri munimine roboratas. Datum per manus venerabilis viri magistri Benedicti sancte Strigoniensis ecclesie electi, prepositi Budensis aule nostre vicecancellary, dilecti et fidelis nostri anno dominice Incarnacionis M° CC° septuagesimo sexto. Regni autem nostri anno quarto.

III. Endre királynak 1291. évi átiratából; l. alább.