Frater Adrianus Minister fratrum Minorum per Vngariam, vniuersis quibus presentes expedierit exhibere, salutem in omnium saluatore. Cum super terminis ecclesie et claustri nostri de Insula beate Virginis per Illustres Reges Vngarie, fundatores claustri predicti pro loco cimitery predicacionis orti et aliorum necessariorum extra murum donatis, assignatis et traditis inter fratres predicatores et conuentum sororum ordinis fratrum predicatorum de eadem Insula ex vna parte, et inter fratres ordinis mei de predicto conuentu ex altera quedam quescio fuisset suborta, et ex parte ordinis mei ad sedem apostolicam esset appellacio interiecta, ego cum Reuerendo patre, fratre Petro, priore prouinciali dicti ordinis, utpote quorum interest disgregata congregare, discidia unire, ac discordes in pacis federa reuocare, ad unionem et pacem sumus renersi in hunc modum. Ostendimus namque eis terminos extra murum circum circa pro loco cimitery, predicacionis, orti et aliorum necessariorum terminos necessarios, qui taliter terminantur. A parte enim septemtrionali extra murum latitudo protenditur spacio triginta trium cannarum comuni canna muratorum. A parte uero meridionali latitudo spacio viginti octo cannarum. A parte autem orientali contra uiam publicam, siue contra stratam comunem spacio vnius Canne, ad cuius equalitatem et a parte septemtrionali et meridionali longitudo distenta terminatur, et in simul coniungitur hiis terminis; ego Minister et fratres dicti conuentus contenti de cetero et in presens et in futurum renunciamus omni quescioni, liti, accioni, excepcioni et appellacioni per nos et per nostros procuratores propter uinculum mutue caritatis. In cuius rei testimonium de consensu fratrum meorum sigillo Ministracionis, quo vtor, litteras presentes duxi sigillandas. Anno domini M° CC° LXX° VIII°. In festo Inuencionis sancte crucis.

Hártyaszalagon függött pecsét nyomaival. Eredetije az orsz. ltár kincst. oszt. Mon. Pos. 48. 2. Közli: Vincze Gábor.