Ladislaus dei gracia Rex Hungarie dilecto et fideli suo venerabili patri J.* per eandem episcopo Quinqueecclesiensi salutem et graciam plenam cum dileccione. Significauerunt nobis sorores sanctissime religionis de Insula sancte Marie, nobis in Christo karissime, conquerendo, quod Morianus filius Moriani quadam presumpcione usus propria, quandam villam monastery sancte Marie de predicta Insula, Kapplan uocatam, in quo quidem monasterio eedem sorores domino iugiter famulantur, quam villam idem Monasterium ex nostra collacione possidere dinoscitur, destruxisset, dicendo, quod ipsam villam prius sibi contulissemus, quam sororibus antedictis. Vnde nos eandem dicto Moriano non meminerimus contulisse, et iniuriam dicto Monasterio per eundem illatam nullatenus paciamur, paternitatem uestram mandantes requirimus, quatenus mittendo fidelem hominem vestrum sub testimonio Capituli vestri de iniurys seu destruccione predicta faciatis inquiri commodam veritatem, citari nichilhominus (így) faciendo dictum Morianum ad nostram presenciam ad terminum conpetentem et quicquid circa premissa paternitas vestra sciuerit seu fecerit, nobis per uestras litteras seriatim intimatis. Datum in Torna quarto die natiuitatis virginis gloriose.

Kivűl: Venerabili patri J. episcopo Quinqueecclesiensi.

Záró pecsét maradványaival. Eredetije az orsz. ltár kincst. oszt. Mon. Pos. 53. 59. Közli: Vincze Gábor.