Frater Petrus magister domus hospitalis sancti Stephani Regis de Strigonyo, eiusdemque loci totus Conuentus. Omnibus Christi fidelibus, presens scriptum inspecturis salutem in domino. Ad uniuersitatis uestre noticiam harum serie uolumus peruenire. Quod Ladizlao filio Iwanch de Bylegh et Kalmyn de Dersyne seruientibus nobilium virorum, scilicet Comitis Mychaelis et magistri Thome, filiorum Comitis Mychaelis pro eisdem comite Mychaele et magistro Thoma dominys ipsorum ab una parte. Item Blasio filio Georgy de Myskoch pro se ac Cosma filio Paulus de Marky, pro se et fratribus suis Damyano videlicet et Ladizlao ab altera in nostra presencia personaliter constitutis, dicti Ladizlaus et Kalmyn dixerunt et confessi sunt coram nobis, ut predicti Comes Mychael et magister Thomas dominy ipsorum quandam possessionem eorumdem empcionis titulo possessam Pethiry uocatam, iuxta fluuium Herrad iacentem cum omnibus utilitatibus suis, prout in ipsorum litteris nobis transmissis plenius uidimus contineri, vendidissent pro duodecim marcis argenti mercimonialis prefatis Blasio, Cosme, Damyano et Ladizlao ac ipsorom heredibus, heredumque suorum successoribus libere, pacifice perpetuo et irreuocabiliter possidendam, et ipsas duodecim marcas argenti supradicti ydem Ladizlaus et Kalmyn, vice et nomine predictorum dominorum suorum clamauerunt, dixerunt et confessi sunt ab eisdem emptoribus possessionis prescripte recepisse ex integro. Nec tamen pretermittimus, quod si processu temporis eiusdem possessionis vendicio a predictis emptoribus, ipsorumve successoribus temptaretur in irritum reuocary, extunc idem Comes Mychael et magister Thomas eosdem expedire tenebuntur proprys suis laboribus et expensis. Ad quod ipsos sepedicti Ladizlaus et Kalmyn seruientes eorumdem obligauerunt coram nobis firmiter. Nichilominus tamen hoc adiecto, quod dictus Blasius ac aly supradicti priuilegium Capituli Agriensis, quod non cancellatum, non abrasum nec in aliqua sui parte viciatum, fide inspeximus oculata et quo mediante Comes Mychael et magister Thomas sepius memorati ipsam possessionem actenus (így) possederunt, eisdem Blasio et alys coram nobis datum ipsius inpeticionis tempore ipsis Comiti Mychaeli et magistro Thome reddere seu restituere tenebuntur. In cuius rei testimonium sempiternum presentes nostras concessimus litteras sigilli nostri munimine roboratas. Datum Anno Domini Myllesimo Ducentesimo Octuagesimo primo, Sextodecimo Kalendas Mensis february.

Ugyanazon conventnek 1304. máj. 22-ikén kelt átiratából, melynek eredetije az orsz. ltár kincst. oszt. Paul. Laad. 13. l. Közli: Vincze Gábor.