Nos magister Andreas doctor decretorum prepositus, et Capitulum Ecclesie Strigoniensis, memorie commendamus, presencium per tenorem. quod nos litteras domini nostri domini Ladislai dei gracia illustris Regis vngarie cum debita reuerencia recepimus in hec uerba. Ladislaus dei gracia Rex vngarie. fidelibus suis Capitulo Strigoniensi salutem et graciam fidelitati vestre precipiendo mandamus. quatenus litteras uestras super facto terre Thema uocate confectas, quas comes Alexander et Andreas filius suus uobis exibebunt (így), secundum quod ipsius cause uobis series constiterit innouetis iusticia mediante. Datum in keurus feria sexta post quindenam sancti Georgy. Exhibuit itaque idem comes Alexander litteras nostras apertas, quarum tenorem ad mandatum Regium quem ad modum est premissum, innouando de uerbo ad uerbum presentibus duximus inserendum et earum tenor est talis: viro nobili et honesto. M. magistro tauarnicorum domini Regis et comiti Bachiensi. G. prepositus et Capitulum ecclesie Strigoniensis. inclinacionem et oraciones in domino. Magnitudini uestre per presentes innotescat. quod cum sicut ex litteris domini Regis et uestris memorialibus vidimus contineri, Alexander filius Poruoz, de villa Lusunch Detrico comiti et fratribus suis filys Mykou comitis terram Lusunch cum aua Micou, et fratrum suorum predictorum, et terram de eadem terra Lusunch ad tria aratta sufficientem metis et alys circumstancys circumdatam coram homine domini Regis, videlicet Symone filio Johannis et nostro testimonio predictus Alexander assignare debuisset, idem A. assignauit vt debebat, homine domini Regis et nostro testimonio presentibus, continebatur eciam in eisdem litteris, quod partes tradicionem dicte terre nostris litteris priuilegialibus, pari consensu et uoluntate, deberent confirmare idem autem Alexander dominica proxima in vigilia Philippi et Jacobi coram nobis personaliter constitutus, paratus erat uendicionem dicte terre nostris litteris priuilegialibus confirmare. Sed dictus comes Detricus et fratres sui predicti, nec per se nec per homines suos comparuerunt, dicto Alexandro per tres dies continue coram nobis expectante. vnde quitquid uestre nobilitati uidebitur super hoc facto, nobis uelitis per uestras litteras intimare. Datum in vigilia Philippi et Jacobi. Nos igitur mandato Regio reuerenter et fideliter satisfacere cupientes, presentibus litteris nostrum Sigillum duximus apponendum. Datum Anno domini M° CC° lxxx. tercio. in octauis sancti Jacobi apostoli.

Kivűl: Super innouacione litterarum pro comite Alexandro et filio eius magistro Mauricio missarum.

Hátán kerek pecsét nyomai láthatók; eredetije a Nagy-Réthi Darvas cs. ltárában, Ongán. Közli: Szabó Károly.