Ladizlaus dei gracia Hungarie, Dalmacie, Croacie, Rame, Seruie, Gallicie, Lodomerie, Cumanie, Bulgarieque Rex, Omnibus Christi fidelibus tam presentibus quam futuris presens scriptum inspecturis salutem in salutis largitore. Ad vniuersorum noticiam tam presencium quam futurorum harum serie uolumus peruenire, quod cum Helbrandus magnus de Lyuche fidelis noster, domino Stephano illustri Regi Hungarie felicis recordacionis patri nostro karissimo semper fideles inpenderit famulatus et deuotos, et ob hoc quandam villant Kulchuan uocatam in Camitatu de Scepus existentem in reconpensacionem seruiciorum suorum meruerit obtinere et eandem villam iuxta continencium priuilegy eiusdem domini Stephani Regis, patris nostri, pacifice possederit usquemodo, nobis postmodum ad tocius Regni Hungarie gubernaculum, concedente Domino, feliciter sublimatis idem Helbrandus magnus ad nostram accedens presenciam predictam collacionem patris nostri karissimi nostro petiuit priuilegio confirmare. Nos igitur fidelitates eiusdem Helbrandi, que (így) eidem domino Stephano Regi patri nostro et demum nobis cum summo desiderio fideliter inpenderit, attendentes, predictam villam Kulchuan reliquimus et permisimus eidem Helbrando, ac eorum (így) heredibus, heredumque suorum in posterum successoribus sub eisdem metis et terminis sicut in priuilegio eiusdem domini Stephani Regis, patris nostri karissimi noscitur contirieri pacifice possidendam et quiete; et eundem Helbrandum in predictam villam Kulchuan per Kuzel comitem de Scepus fidelem nostrum fecimus introduci; hanc eciam graciam eidem Herbrando concessimus, quod nullus comitum de Scepus pro tempore constitutorum suos iobagiones super causis quibusque uel furti, uel sanguinis aut latrociny, iudicandi potestatem habere debeat, sed ipse predictus comes Helbrandus suos iobagiones in causis predictis et in alys omnibus personaliter debeat iudicare. Cuius quidem mete terre taliter distinguuntur. Prima meta incipit ante cruciam (így) Hennyg fily Heen, deinde uadit ad aquilonem super unum riuulum Cheumil uocatum, et exiens de ipso riuulo ascendit super montem et perueniet ad metam ville Olus; deinde procedit similiter ad aquilonem ad metam terre Kelechen, et iuxta vnam viam sunt due mete quarum una est populorum de ipsa villa Kelechen et alia de Kulchuan et abhinc tendit uersus orientem super antiquam viam ad metam terre Polan fily Petri, deinde uertitur ad metam terre Chakan, et ibi est una meta super uno monticulo Berch uocato, deinde ascendit ad unam vallem, et super ipsam vallem eundo peruenit ad antiquam viam, qua itur in Leuche, et ibi sunt due mete, quarum una separat terram Goblini fily Gobul de Leuche et alia ipsam terram Kulchuan, et transiens ipsam terram, iuxta terram eiusdem Gobul tendit ad magnum pratum, et exiens de ipso prato tendit ad metam terre Gobul albi, ad unum fontem, et de ipso fonte ascendit ad montem, uersus meridiem ad metam terre Goblyni clerici et perueniet ad unam viam qua veniet de Gulnuch et iuxta ipsam viam est una meta deinde uergit similiter ad meridiem, ad metam terre ville Da... et ibi est una meta; deinde procedit uersus occidentem ad metam terre ville Gurgev, et ibi est una meta in terra arabili; deinde tendit similiter ad occidentem iterum ad magnam viam, et iuxta ipsam viam est una meta, que separat terram predictorum populorum de Kulchuan et de Gurgev, deinde tendit ad priorem metam, (ubi inceperant) mete terre supradicte. In cuius rei memoriam perpetuamque firmitatem presentes concessimus litteras dupplicis sigilli nostri munimine roboratus. Datum per manus venerabilis patris Thome dei gracia Episcopi Vaciensis, aule nostre Cancellary, dilecti et fidelis nostri. Anno Domini M° CC° octuagesimo quarto; quarto nonas Augusti. Indiccione vndecima. Regni autom nostri anno tredecimo.

III. Endre királynak 1293. mart. 21-ikén kelt átiratából; l. alább. Tökéletlen kivonatát adja Fejér, id. m. V. 3. 247. l.