Omnibus Christi fidelibus tam presentibus, quam futuris presens scriptum inspecturis Capitulum ecclesie Agriensis Salutem in omnium saluatore. Ad vniuersorum noticiam tenore presencium volumus peruenire: Quod Paulo filio Michaelis de Nazkod ex una parte, ab altera vero magistro Nicolao dicto Kopoz pro se et pro Chelleg, Andrea ac Paulo fratribus suis coram nobis personaliter constitutis, prefatus Paulus proposuit viva uoce, quod quandam particulam de prefata terra sua hereditaria Nozkod vocata certis metis ab alia terra sua separatam, ad unum aratrum sufficientem a parte orientali existentem cum vniuersis utilitatibus et pertinencys suis uendidisset et tradidisset magistro Nicolao et fratribus suis prenotatis pro septem marcis plene receptis ab eisdem sibi et suis heredibus, heredumque suorum successoribus iure perpetuo et irreuocabiliter pacifice possidendam et habendam; et Farkasius filius Ech, Iwanka filius Bechus, Nozkod filius Petri consanguinei ipsius Pauli, Johannes filius Donkus pro se et Luca ac Bele fratribus suis, conmetaneus eiusdem terre coram nobis personaliter constituti dicte vendicioni et empcioni plenum consensum prebuerunt et assensum. Insuper obligauit se predictus Paulus et heredes suos predictos magistrum Nicolaum et fratres ac heredes eorum vniuersos ab omnibus racione predicte particule terre impetere nitentibus defendere et expedire proprys laboribus et expensis, et in pacifica possessione ipsius particule terre indempniter conseruare. Mete autem ipsius particule terre, que ab alys terris ipsius Pauli separant, sicut ipse partes coram nobis retulerunt, hoc ordine exprimuntur. Prima meta incipit in quodam Sabulo iuxta fluuium Heyew, a parte orientali iuxta terram Muhy, vbi sunt tres mete terree, due antique, vna de nouo erecta. Inde egreditur uersus meridiem per meatum ipsius fluuy Heyew eundo peruenit ad unum Stagnum Hwzyverem nominatum, et de ipso Stagno eyundo (így) per meatum cuiusdam aque Kengeler nominate flectitur versus occidentem et in eadem eundo peruenit ad vnam vallem Thehikerfoka nominatam, vbi iuxta ipsam vallem sunt due mete terree de nouo erecte. Abhinc eundo directe similiter versus occidentem peruenit ad vnam aquam Forrod nominatam, vbi iuxta ipsam sunt due mete noue terree. Deinde contra meatum eiusdem aque eundo versus septemtrionem peruenit ad unam publicam stratam, que de Emwd ducit in Muhy, vbi iuxta ipsam stratam sunt septemtrionali (így) sunt tres mete magne antique; exinde egreditur versus orientem et peruenit ad fluuium Heyew supradictum, vbi sunt due mete antique; et pertranseundo ipsum fluuium peruenit ad finem clausure molendini ipsius magistri Nicolai, vbi sunt tres mete, due antique, una noua. Inde eundo peruenit ad metas capitales superius nominatas et ibi terminantur. In cuius rei testimonium ad instanciam parcium presentes contulimus Sigilli nostri post plagam Thartarorum secundo renouati munimine roboratas. Presentibus tamen magistro Anthonio Cantore, Saulo lectore, Myko Custode, Marco de Patha, Paulo de Borsva, Martino de Zabooch, Archidiaconis et alys multis. Anno domini M° CC° octuagesimo quarto. Regnante Ladizlao Illustri Rege Hungarie, Lodomerio Strigoniensi, Johanne Colocensi Archiepiscopis, domino nostro venerabili patre Andrea dei gracia Episcopo Agriensi existentibus.

A budai káptalannak 1454. évi átiratából, melynek hártyán, függő pecsét alatt kiállított eredetije megvan az orsz. ltár kincst. oszt. Paul. Laad. 7. 1. Közli: Vincze Gábor.