Ladizlaus dei gracia Hungarie, Dalmacie, Crowacie, Rame, Seruie, Gallicie, Lodomerie, Cumanie, Bulgarieque Rex omnibus Christi fidelibus presentem paginam inspecturis salutem in omnium saluatore. Equitas suadet et requirit, ut quod cuique iustis et legitimis racionibus datur uel confertur, id solidum debeat perpetuo permanere. Proinde ad uniuersorum noticiam tenore presencium harum serie volumus peruenire. Quod nos consideratis fidelitatibus et seruiciorum meritis comitis Kemen fily Laurency palatini, que nobis in diuersis expedicionibus Regni nostri tam generalibus, quam particularibus omni feruore fidelitatis continue inpendit et indefesse, vniuersas possessiones tam hereditarias, quam aquisitas Michaelis fily Nycolay nepotis Nycolay sinistri sine herede decentis (így) ad manus nostras de consuetudine Regni nostri deuolutas simul cum Castro eiusdem Zaarsomolou uocato et uillis ad ipsum Castrum pertinentibus Wgh scilicet Perman, Touthwelgh, Perekche, Boyad, Hydwyge, monasterio beati Mychaelis et alys omnibus uillis ad ipsum monasterium pertinentibus sub eisdem metis et terminis, quibus idem Mychael possidebat, dedimus et contulimus ipsi comiti Kemen genero eiusdem, et per eum suis heredibus, heredumque suorum successoribus iure perpetuo et irreuocabiliter possidendas. In cuius rey memoriam, perpetuamque firmitatem presentes concessimus litteras dupplicis sigilli nostri munimine roboratas. Datum per manus discreti viri magistri Thedori (így) prepositi Scibiniensis, Albensis ecclesie electi, aule nostre vicecancellary, dilecti et fidelis nostri. Anno domini M° CC° octuagesimo septimo. Regni autem nostri anno Sedecimo.

Vörös-sárga selyemszálakon függött pecsét nyomaival. Eredetije az orsz. ltár kincst. oszt. Jes. Tyrn. 13. 9. Közli: Vincze Gábor.