Nos Capitulum ecclesie Strigoniensis, pro memoria damus presentes, quod cum Andreas filius Alexandri, super facto redempcionis terre quatuor aratrorum de terra eorum Thema uocata, iuxta tenorem patencium litterarum nostrarum, per decem annos a data earum computando, Byter comiti obligate, ab una parte, et Jacobus sacerdos ecclesie sancti Jacobi de Scenna, et Stephanus magister pro eodem comite Byter ab altera, coram nobis fuissent personaliter constituti, ecce, Paulus de Galsa nomine et vice Johannis et Stephani filiorum Symeonis de Galsa, ad presenciam nostram accedens sua nobis protestacione et querimonia demonstrauit, quod eadem terra quatuor aratrorum, racione proxime vicinitatis, et commetaneitatis, predictis filys Symonis dominis suis competeret ad emendum. Vnde tam ipsum Andream filium Alexandri, quam eciam homines seu nuncios comitis Byter predictos, prohibuit publice coram nobis, ne per eos ad alienacionem, et perpetuacionem dicte terre quatuor aratrorum eorumdem filiorum Symonis procedatur in preiudicium et grauamen. Datum anno domini M°. CC°. lxxxviii. in dominica Oculi mei.

Kivűl: Pro filys Symonis de Galsa super protestacione facta de terra quatuor aratrorum de Thema, contra Alexandrum et Andream filium eiusdem, et contra comitem Byter.

Hátlapján pecsét nyomaival; eredetije a Nagy-Réthi Darvas cs. ltárában, Ongán. Közli: Szabó Károly.