Capitulum ecclesie Sancti Michaelis Archangeli Transiluane uniuersis Christi fidelibus tam presentibus quam futuris presens scriptum inspecturis salutem in omnium saluatore. Vniuersorum noticie harum serie declaramus quod Comes Ladislaus filius Saras presencialiter pro se et Michaele Ladislao Emrico ac Opour filys suis coram nobis comparendo quasdam terras suas Muhy et Sarustelek vocatas sitas in capite riuuli eorundem cum omnibus vtilitatibus suis et pertinencys ab oriente terris ville Syberg vocate ab austro Leubrugteluky ab occidente terris ville Barabuch a septemtrione terre Popteluky nuncupate adiacentes et commetantes, dedit et vendidit Comiti Petro filio Henneng de Dala et per eum suis successoribus possidendam et habendam (így) Jure perpetuo pro viginti Marcis, vt idem Comes Ladislaus dixit, per eundem plene habitis et perceptis a Petro Comite prenotato. Item idem Comes Ladislaus assumpsit se expediturum proprys laboribus et expensis pretactum eomitem Petrum ab omni, quam contra ipsam racionem dictarum terrarum oriri contingeret, accionem. In cuius rei testimonium perpetuamque firmitatem ad peticionem et instanciam predictorum presentes concessimus literas munimine nostri Sigilli roboratas. Datum magistro Michaele preposito, Gregorio Cantore, Paulo Custode, Andrea Decano ecclesie nostre existentibus. Anno domini Millesimo CC° Octuagesimo Nono.

III. Endre királynak 1293. évi megerősítő átiratából; l. alább.