Frater Dominicus magister domus hospitalis Sancti Regis Stephani de Strigonio et Conuentus eiusdem vniuersis Christi fidelibus salutem in omnium saluatore. Ad vniuersorum noticiam tenore presencium wolumus peruenire. Quod in crastino festiuitatibus (így) Apostolorum Symonis et Jude Stephanus filius Mychaelis fili Mychaelis pro se, et pro patre suo ad nostram accedens presenciam quandam possessionem suam Gekenus vocatam in Comitatu Borsiensi existentem, pignori obligauit pro triginta marcis Comiti Thome filio Comitis Ratoldy usque in diem cinerum, tali condicione interposita, quod si adveniente termino redimere non posset, eandem possessionem eidem Comiti Thome nos nostris litteris priuilegialibus confirmare teneremur, nullo contradicente. Nos autem visis nostris litteris, cum ydem Mychael vel filius suus ad diem et terminum solucionis dicte pecunie nec venerunt, nec miserunt, continuis sex diebus homine suo expectante, et cum omnis Justicia per litteras originem et veritatem requirat, vt tenemur vnicuique interesse, eandem terram Gekenus uocatam, vicinam Kalna ex vna parte possessionis eiusdem Mychaelis, ex altera uero Geurud nobilium in Comitatu Borsiensi, vt perpetue et pacifice possideat ipse, sui heredes, heredumque successores ad perpetuam stabilitatem nostras litteras concessimus, sigilli nostri munimine roboratas. Datum anno Domini M° CC° nonagesimo, decimo Kalendas Marci.

A nyitrai káptalannak 1322. évi átiratából, melynek eredetije hártyán, vörös-zöld selyem zsinóron függő pecséttel, megvan az orsz. ltár kincst. oszt. Paul. Chalad. 4. 1. Közli: Vincze Gábor.