Andreas dei gracia Hungarie Dalmacie Croacie Rame Seruie Gallicie Lodomerie Comanie Bulgarieque Rex omnibus xpi fidelibus presens scriptum inspecturis Salutem in vero saluatore, vniuersorum noticie tenore presencium volumus fieri manifestum quod cum nos deo propicio solium et gubernaculum regni nostri Jure geniture adepti fuissemus et eleuato vexillo amotoque exercitu nostro generali contra ducem Austrie Capitalem inimicum nostrum et Regni nostri ad repellendam iniuriam regno nostro illatam processissemus et demum deuastato Regno ipsius ducis austrie ordinataque ac firmata perpetua pace cum eodem duce ad Ciuitatem nostram posoniensem successissemus, farcasius et petrus fily Andree Johannes filius Mixe Andreas filius Endre de Ogia petrus filius kato Moius filius Simon et Johannes filius Vros de Magiary ad nostram accedentes presenciam exhibuerunt nobis priuilegium et litteras patentes domini Ladislai Regis karissimi fratris nostri patruelis Inclite recordacionis super exempcione sui et vniuersorum cognatorum suorum confecta petentes cum instancia ut ipsum priuilegium et patentes litteras ipsius domini Ladislai Regis rata habere et nostro dignaremur priuilegio confirmare, Cuius quidem priuilegi tenor talis est: Ladizlaus..... stb. (l. IV. László királynak 1281. aug. 30-án kelt oklevelét föntebb, 83. sz. a.) Ceterum eciam tenor litterarum patencium eiusdem domini Ladislai Regis karissimi fratris nostri demum collatarum talis est: Nos Ladislaus.... stb. (l. IV. László királynak 1283. évi oklevelét föntebb, 90. sz. a.) Nos itaque peticionibus ipsorum predictorum nobilium Justis legitimis et modestis fauorabiliter Inclinati cognoscentesque peticiones ipsorum fore Justas et condignas ipsum priuilegium et patentes litteras domini Ladislai Regis fratris nostri patruelis non abolita non abrasa non cancellata nec in aliqua sui parte uicyata rata habentes et accepta de uerbo ad uerbum presentibus insery faciendo auctoritate presencium confirmamus duplicis sigilli nostri munimine roborando. Datum per manus discreti viri magistri Teodory albensis ecclesie prepositi aule nostre vicecancellary dilecti et fidelis nostri. Anno domini Millesimo CC° nonagesimo primo. Regni autem nostri Anno II° septimo kalendas septembris.

A pozsonyi káptalannak 1360-ban „feria quarta proxima post octauas Passce domini” Bánkvatai Péter fia János részére kiállított átiratából, melynek eredetijét az Olgyay cs. ltárában őrzik. Közli: Nagy Imre.