Andreas dei gracia Hungarie, Dalmacie, Croacie, Rame, Seruie, Gallicie, Lodomerie, Cumanie, Bulgarieque Rex omnibus Christi fidelibus presentes litteras inspecturis salutem in salutis largitore. Ad vniuersorum tam presencium, quam futurorum noticiam harum serie volumus peruenire, quod comes Helbrandus de Lyuche ad nostram accedens presenciam exhibuit nobis priuilegium Ladizlai Regis karissimi fratris nostri patruelis confirmans collacionem Stephani Regis de quadam terra Kulchuan uocata, per predictum Stephanum Regem eidem Helbrando factam, et eciam super non iudicandis iobagionibus suis per comitem Scepesiensem pro ipso constructum, confectum, petens a nobis cum instancia, ut ipsum priuilegium ratum habere et nostro dignaremur priuilegio confirmare. Cuius quidem priuilegy tenor talis est: Ladizlaus....... stb. (l. IV. László király levelét föntebb, 97. sz. a.) Nos uero attendentes, quod idem comes Helbrandus semper corone Regie cum omni feruore fidelitatis astitit, maxime quia statim post coronacionem nostram nobis cum omni generacione sua occurrens iuxta Kossam nos recognoscens, ut dominum naturalem, introduxit in terram Scepessiensem, ipsum priuilegium Ladizlai Regis non cancellatum, non abrasum nec in aliqua sui parte viciatum de verbo ad verbum presentibus insertum ratum habentes et acceptum auctoritate presencium confirmamus. In cuius rei memoriam, firmitatemque perpetuam presentes concessimus litteras dupplicis sigilli nostri munimine roboratas. Datum per manus discreti viri magistri Theodori Albensis ecclesie prepositi aule nostre vicecancellary dilecti et fidelis nostri. anno Domini M° CC° nonagesimo tercio, duodecimo Kalendas aprilis. Regni autem nostri anno tercio. Indiccione sexta.

Vörös selyemszálakon függő pecséttel; rongált állapotban lévő eredetije az orsz. ltár kincst. oszt. Jes. Leuchov. 5. 1. Közli: Vincze Gábor.