Nos Andreas dei gracia rex Vngarie memorie commendantes significamus vniuersis, quibus expedit, presencium per tenorem, quod nos considerantes fidelitates et seruiciorum merita dilecti et fidelis nostri J. fratris ordinis premonstratensis, prepositi monastery gloriose virginis de Turuch, que nobis cum summe fidelitatis obsequio in deferendis legacionibus nostris ad Boemiam simul et Allemaniam, necnon ipso presto existente, non parcendo rebus, nec persone exhibuit pariter et inpendit, hanc eidem pro talibus suis seruicys et fidelitatibus uolentes respondere repensiuis gratuitis, ut tenemur ob reuerenciam ipsius gloriose virginis graciam duximus faciendam, quod duas possessiones ipsius ecclesie Seelneche in Zolum et Scuchouch in Thuruch existentes, a rege Ladislao pie recordacionis karissimo patrueli nostro ipsi ecclesie donatas* et a nobis confirmatas perpetuo pacifice et inreuocabiliter reliquimus possidendas munimine nostri sigilli anulei roborantes, ne per posteros in irritum ualeat retractari. Datum in Scepes, anno domini M° CC° nonagesimo tercio, in festo beati Georgy martyris.

Kivűl pecsét nyomaival. Eredetije az orsz. ltár kincst. oszt. Jes. Tyrn. 22. 4. Közli: Vincze Gábor.