Capitulum Nytriensis ecclesie Omnibus Christi fidelibus, Ad quos presentes littere peruenerint, salutem in omnium saluatore. Ad vniuersorum noticiam harum serie uolumus peruenire. Quod Petrus filius Elephant nobilis de Geurud ad nostram accedens presenciam confessus est viua uoce, quod quandam terram suam Geurud vocatam a domina Rusa filia Aladari iobagionis Castri Borsiensis, empcionis titulo deuolutam presentibus Ders pro se et pro Lourando, Zobozlao, Andrea ac Thoma fratribus suis, filys Kenez, et Paulo filio Sup ac Mauricio fratre eiusdem, necnon Myke calwo, Jacobo et Petro filys Stephani, Churta pro se et pro Laurencio, fratre ipsorum absente ac Zobozlauo filio Kenez, Johanne filio Ind de Geurud, conmetaneis et vicinis terre Gekenus predicte ipsisque permittentibus, et non contradicentibus magistro Thome filio Ratoldy nobili de Dyuek et per eum suis posteris, posterumque successoribus pro duodecim marcis ab eodem plenarie receptis vendidisset iure perpetuo possidendam, sub eisdem metis et terminis in quibus ipse tenuit et possedit. Preterea Mog filius Mog super uendicione terre Gekenus, quam Mychael filius Mychaelis eidem magistro Thome uendidit similiter ac consensum prebuit et assensum. In cuius rei memoriam pleniorem, perpetuamque firmitatem presentes concessimus litteras sigilli nostri munimine roboratas. Datum in octauis Ascensionis, Anno domini M° CC° Nonagesimo tercio, ecclesie nostre magistro Farcasio Lectore existente.

A nyitrai káptalannak 1322. évi átiratából, melynek eredetije hártyán, vörös-zöld selyemszálakon függő pecséttel, megvan az orsz. ltár kincst. oszt. Paul. Chalad. 4. 1. Közli: Vincze Gábor.