Nos frater Petrus Prepositus et Conuentus ordinis fratrum Premonstratensium ecclesie beati Michaelis de Insula sancte Marie Virginis, iuxta Budam, memorie commendantes significamus, quibus expedit vniuersis, presencium per tenorem, quod cum contra dominas sorores monastery beate Marie Virginis de eadem Insula, et totam villam ipsarum, Judicem et Juratos de ipsa Insula super facto terre in eadem Insula existentis, in presencia domini Regis Andree, ordine iudiciario causam mouissemus. Postmodum recognoscentes nos, habito super hoc inter nos communi consilio propter bonum pacis, quam inter ecclesiam nostram beati Michaelis, et inter monasterium beate Virginis predictum, et populos dictarum dominarum, volumus inuiolabiliter obseruare, renunciauimus et renunciamus omni liti et accioni nostre, in facto predicte terre de Insula, pura et spontanea voluntate obligantes nos, vt quamdiu officium prepositure et cura eiusdem ecclesie ad nos pertinebit, contra predictas dominas sorores et populos earumdem vniuersos, in eadem Insula commorantes super facto predicte terre de Insula nullam possimus litis mouere quescionem. Datum feria quarta proxima post festum Assumpcionis beate Marie virginis. Anno Domini Millesimo Ducentesimo nonagesimo quarto.

Hártyaszalagon függött pecsét töredékeivel. Eredetije két példányban, az orsz. ltár kincst. oszt. Mon. Pos. 49. 3. Közli: Vincze Gábor.