Andreas dei gracia Hungarie, Dalmacie, Croacie, Rame, Seruie, Gallicie, Lodomerie, Comanie, Bulgarieque Rex omnibus Christi fidelibus presentem paginam inspecturis salutem in omnium saluatore. Justis petencium desiderys assensum prebere ius inuitat et Regalis pietas exortatur. Proinde ad vniuersorum tam presencium quam futurorum noticiam, harum serie uolumus peruenire. Quod comes Petrus filius Andree de Ouga quandam terram Castri nostri Posoniensis in Chollokuuz existentem vacuam et habitatoribus destitutam Zorus vocatam a nobis petiuit sibi dari. Verum quia de ipsa terra nobis ueritas non constabat, vtrum nostre collacioni pertineret nec ne, fidelibus nostris Capitulo Posoniensi nostris dedimus litteris in mandatis, ut hominem ipsorum mitterent pro testimonio fidedignum, coram quo Nicolaus filius Elye de Wotha homo noster ipsam terram Zorus coram conmetaneis omnibus et vicinis reambularet et statueret dicto comiti Petro filio Andree sine preiudicio iuris alieni, et si non fieret contradictum. Contradictoribus ad nostram presenciam euocatis ad terminum conpetentem, et post hec seriem facti in eorum nobis litteris remandarent; quod quidem Capitulum Posoniense nobis demum rescripsit in hec verba: Excellentissimo.... stb. (l. a káptalan jelentését az előbbeni sz. a.) Nos itaque conmendabilem fidelitatem et grata obsequia ipsius comitis Petri fily Andree, que nobis in diuersis expedicionibus Regni nostri tam generalibus quam particularibus fideliter exhibuit et impendit, non parcendo rebus, et personam suam diuersis fortune casibus exponere non formidans, attendentes, volentesque eidem comiti Petro pro seruicys et fidelitatibus suis nobis impensis Regio occurrere cum fauore, prefatam terram Zorus cum omnibus utilitatibus suis, terris arabilibus, feneto et pascuis pecorum, sub eisdem metis et terminis, sicut per priores possessores habita extitit et possessa, saluo iure alieno, dedimus, donauimus et contulimus prefato comiti Petro filio Andree et per eum suis heredibus, heredumque suorum inposterum successoribus, iure perpetuo irreuocabiliter pacifice possidendam. In cuius rei memoriam, perpetuamque firmitatem presentes concessimus litteras duplicis sigilli nostri munimine roboratas. Datum per manus venerabilis patris domini Theodory dei gracia Episcopi Jauriensis, aule nostre vicecancellary, dilecti et fidelis nostri. Anno domini M° CC° Nonagesimo Sexto. Quartodecimo Kalendas octobris, Regni autem nostri Anno Septimo.

Vörös-sárga selyemszálakon függött pecsét nyomaival. Eredetije az orsz. ltár kincst. oszt. Mon. Pos. 50. 1. Említi Fejér, id. m. VI. 2. 45. l. Közli: Vincze Gábor.