Nos Capitulum ecclesie Posoniensis Significamus vniuersis quibus expedit per presentes, quod constituto personaliter coram nobis Petro filio Itumeri, qui in hunc modum est confessus, quod pro remedio anime sue et animarum parentum suorum Terciam partem Terre sue empticie Massalan vocate, que eum de iure contingit, sitam a parte Meridionali iuxta Terram Balierat, sororibus domus Sancte Elizabet de Thirna reliquisset et legasset cum molendino, quod est constructum a parte Meridionali in aqua Thirna vocata, cum omnibus vtilitatibus et pertinencys suis, sicuti fratres ipsius Egidius et Petrus, partes suas prius in animarum suarum remedium legauerant iure perpetuo possidere.* In cuius Rei memoriam presentes dedimus litteras Sigilli nostri Munimine Roboratas. Anno Domini M° CC° Nonagesimo Septimo. Datum in octauis epiphanie Domini.

Vörös-zöld selyemszálakon függő pecséttel, fölűl cyrographummal. Eredetije az orsz. ltár kincst. oszt. Mon. Tyrn. 5. 6. Közli: Vincze Gábor.