Andreas dei gracia Hungarie, Dalmacie, Croacie, Rame, Seruie, Gallicie, Lodomerie, Comanie, Bulgarieque Rex Omnibus Christi fidelibus tam presentibus quam futuris presens scriptum inspecturis salutem in omnium saluatore. Ad vniuersorum noticiam harum serie volumus peruenire. Quod accedens ad nostram presenciam magister Petrus filius Andree de Ouga fidelis noster, de Castrensium nostrorum Fuloboni vocata, trecenta Jugera terrarum arabilium ob merita seruiciorum suorum fidelium, que cum magistro Demetrio fideli nostro Comite Posoniensi et de Zolum in subsidium karissimi patris nostri Regis Romanorum iuxta Renum transmisso exhibuit fideliter et deuote,* dicta trecenta Jugera terrarum arabilium a nostra magnitudine petiuit sibi dari; verum quia de qualitate et quantitate dictarum terrarum ueritas nobis non constabat, fidelibus nostris Capitulo Posoniensi dedimus in mandatis, vt mitterent vnum ex ipsis virum ydoneum, coram quo magister Iruzlaus Castellanus noster Posoniensis, homo noster, neambularet ipsa trecenta iugera terrarom, presentibus conmetaneis et vicinis, et si nostre collacioni pertinentem inueniret, statueret eidem magistro Petro, si non fieret contradictum, contradictoribus autem ad nostram presenciam euocatis. Quod quidem Capitulum nobis rescripserunt in hec verba: Excellentissimo..... stb. (l. a pozsonyi káptalan jelentését az előbbeni sz. a.) Nos igitur pensatis fidelibus obsequiis et deuotis seruicys eiusdem Petri fily Andree, predicta trecenta triginta et sex iugera terrarum eidem dedimus, donauimus sibi et suis heredibus, heredumque suorum successoribus sine preiudicio Juris alieni quiete et pacifice perpetuo possidendam. In cuius rei memoriam et perpetuam firmitatem presentes concessimus sigilli nostri munimine roboratas. Datum per manus venerabilis patris domini Anthony dei gracia Episcopi Chanadiensis, Aule nostre vicecancellary, dilecti et fidelis nostri, anno domini M° CC° nonagesimo octauo. Regni nostri anno nono.

I. Lajos királynak 1374. nov. 11-ikén kelt okleveléből, melynek eredetije hártyán, kék selyemszálakon függő kettős pecséttel, megvan az orsz. ltár kincst. oszt. Mon. Pos. 47. 5. Közli: Vincze Gábor.