Nos Capitulum ecclesie beati Michaelis de Castro ferreo presentes litteras damus promemoria, quod Beke filius pauli de genere Jaakcoram nobis constitutus terram vnius aratri in terris Boxa vendidit pro tribus marcis Aladario filio demetri, Onth filio Johannis, galus filio Heb, partim timadeo filio timadei, georgio filio tiba et Michaeli filio gurg, dionisio et iacobo filio oldrici, saulo et gogano filys Jovlegyn, Lomperto et Arnoldo filys petri, in tercia decima parte miske et Nicolao filys mike, cuius terre meta a terris Bokian tendit usque uiam que ducit in villam miske ubi sunt due mete hinc et inde eleuate, Jure perpetuo possidendam. Hoc adiecto quod si processu temporis racione predicte terre nobiles de mestur fuerint molestati idem Beke tenetur ipsos expedire et specialiter a magistro Jacobo et a generacionibus suis, qui si nequierit expedire soluet sex marcas prefatis nobilibus prout assumpsit coram nobis. Datum in die beati Ladizlay Regis. anno domini M° trecentesimo. paulus frater Beke consensum prebuit et asensum.

Kivűl: Pro nobilibus de mestur contra Bekem.

Zárlatán pecsét nyomaival; eredetije a N. Muzeumban. Közli: Nagy Imre.